शिक्रापूर पोलीस ठाण्यात महाराष्ट्र क्राईम न्यूज साप्ताहिकाच्या संपादकावर गुन्हा
शिक्रापूर (शेरखान शेख): कोंढापुरी (ता. शिरुर) येथील दलित महिलांबाबत अश्लील भाषा वापरत महिलांबाबत लज्जास्पद तसेच महिलांची बदनामी आणि समाजामध्ये तेढ निर्माण होईल असे वृत्त छापल्या प्रकरणी महाराष्ट्र क्राईम न्यूज चे संपादक एकनाथ शिवराम अडसूळ यांच्यावर शिक्रापूर पोलीस स्टेशन येथे गुन्हा दाखल करण्यात आला आहे.
कोंढापुरी (ता. शिरुर) येथील भूषण गायकवाड यांच्या मोबाईलवर नुकतीच महाराष्ट्र क्राईम न्यूजचे संपादक एकनाथ अडसूळ यांच्या प्रकाशित झालेल्या साप्ताहिक अंकाची प्रत आली. त्यामध्ये त्यांनी कोंढापुरीत उदरनिर्वाहासाठी आलेल्यांकडून गुंडागिरी व लुटमार या मथळ्याखाली बातमी छापली. मात्र त्यामध्ये मोठा मजकूर छापून सदर ठिकाणी विशिष्ट जातीसमूहाच्या महिला असून त्या महिला ॲट्रॉसिटीचा गुन्हा दाखल करण्याची धमकी देत असल्याचे नमूद करत महिलांबाबत अश्लील तसेच लज्जास्पद वृत्त छापल्याचे दिसून आले.
त्या वृत्तामुळे समाजातील महिलांमध्ये तसेच विविध जाती धर्मांमध्ये तणाव निर्माण होऊन जाती आणि प्रादेशिक गटांमध्ये तेढ व द्वेष निर्माण होईल तसेच गावातील एकोपा व शांतता बिघडेल असा मजकूर असल्याचे दिसून आले त्यामुळे आज अनेक संघटनांनी शिक्रापूर पोलीस स्टेशन येथे हजेरी लावत संबंधित संपादकावर गुन्हा दाखल करण्याची मागणी केली.
याबाबत छाया एकनाथ गायकवाड (वय ४९) रा. भिमनगर कोंढापुरी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी महाराष्ट्र क्राईम न्यूज साप्ताहिक चे संपादक एकनाथ शिवराम अडसूळ रा. भिमनगर कोंढापुरी (ता. शिरुर) जि. पुणे यांच्या विरुद्ध गुन्हा दाखल केला असून सदर गुन्ह्याचा पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली पोलीस हवालदार राजेश माने हे करत आहे.
कारेगाव (तेजस फडके) तळेगाव ढमढेरे-न्हावरे रस्त्याच्या कडेला कासारी (ता. शिरुर) गावच्या हद्दीत असणाऱ्या श्रीकृष्ण मंदिर…
वाघोली (प्रतिनिधी) केसनंद (ता.हवेली) येथे रविवार (दि २८) एप्रिल रोजी सायंकाळी 7 वाजुन 10 मिनिटांच्या…
रांजणगाव गणपती (तेजस फडके) कोणत्याही सोसायटीची अर्थिक वसुली साधारणतः जून महिन्यात पुर्ण होत असती ,…
रांजणगाव गणपती (पोपट पाचंगे) आशिया खंडातील पंचतारांकित औद्योगिक वसाहत असलेल्या शिरुर तालुक्यातील रांजणगाव MIDC तील…
शिरुर (अरुणकुमार मोटे) मलठण (ता.शिरुर) येथील शिंदेवाडी येथे रविवार (दि २८) रोजी खंडोबा यात्रेनिमित्त बैलगाडा…
वाघोली (प्रतिनिधी) लोणीकंद-थेऊर रस्त्यावर केसनंद हद्दीत जोगेश्वरी माता मंदिराच्या जवळ मालवाहू कंटेनर आणि इको कार…