शिरुर (तेजस फडके) शिरुर तालुक्यातील सामाजिक कार्यकर्ते अशोक भोरडे यांनी सन 2023 च्या मंडळ अधिकारी या पदावर जिल्हाधिकारी पुणे यांच्यामार्फत केलेल्या नियुक्ती व बदल्यामध्ये मोठया प्रमाणात गैरव्यवहार केल्याचा आरोप भोरडे यांनी करत शासनाला लेखी पत्र दिले होते. परंतु त्याची दखल न घेतल्याने सोमवार (दि 2) ऑक्टोबर 2023 रोजी राष्ट्रपिता महात्मा गांधी यांच्या जयंतीच्या दिवशी पुणे जिल्हाधिकारी कार्यालयासमोर भोरडे यांनी आत्मदहन करण्याचा इशारा दिला होता. त्यामुळे पुणे जिल्हाधिकारी कार्यालयाने घेतली नरमाईची भुमिका घेत अशोक भोरडे यांना संबंधित मंडळ अधिकारी यांच्या चुकीच्या बदल्याबाबत 45 दिवसात निर्णय घेऊन कारवाई करण्याचे लेखी पत्र दिले आहे.
पुणे जिल्हाधिकारी कार्यालयाने अव्वल कारकून, सर्कल यांची मंडळ अधिकारी या कार्यकारी पदावरती बेकायदेशीरपणे नियुक्त्या केल्या होत्या. सदर मंडळ अधिकारी हे त्या पदावरती नियुक्ती करण्यासाठी पात्र नसतानाही त्यांच्या बेकायदेशीरपणे बदल्या व नियुक्या करण्यात आल्या होत्या. याबाबत अशोक भोरडे यांनी माहिती अधिकारात माहिती काढत जिल्हाधिकारी पुणे कार्यालयाने नियमबाह्य पद्धतीने या बदल्या व नियुक्त्या केलेल्या आहेत. हे उघड केले आणि पुणे जिल्हाधिकारी कार्यालयाने केलेली चुक शासनाच्या निदर्शनास आणुन दिली.
तरीही पुणे जिल्हाधिकारी कार्यालय केलेल्या चुकीच्या व नियमबाह्य बदल्या रद्द करत नव्हते. याच्या निषेधार्थ सामाजिक कार्यकर्ते अशोक भोरडे हे 2 ऑक्टोबर 2023 रोजी पुणे जिल्हाधिकारी कार्यालयासमोर गेले होते. परंतु तिथे नेमणूकीस असलेले बंडगार्डन पोलिस स्टेशनचे पोलिस निरीक्षक संतोष पाटील, शिक्रापुर पोलिस स्टेशनचे पोलिस उपनिरीक्षक महेश डोंगरे, पोलिस शिपाई अशोक केदार यांनी वेळीच मध्यस्ती करत भोरडे यांना आत्मदहन करुन दिले नाही. तसेच जिल्हाधिकारी कार्यालयाशी संपर्क साधत संबंधित महसूल अधिकारी यांच्याशी बैठक लावली.
सदर बैठकीत झालेल्या चर्चेनुसार जिल्हाधिकारी कार्यालयातील महसूल शाखेचे तहसीलदार अजित कुऱ्हाडे, तहसीलदार जाधव यांनी भोरडे यांना लेखी पत्र देत नियमबाह्य केलेल्या बदल्याबाबत 45 दिवसात निर्णय घेऊ असे सांगितले. तसेच भोरडे यांनी आत्मदहन आंदोलन थांबवावे अशी विनंती केली. त्यामुळे पुणे जिल्हाधिकारी महसूल शाखेच्या विनंतीला मान देत भोरडे यांनी आत्मदहन आंदोलन तात्पुरते स्थागित केले असुन जर 45 दिवसात कार्यवाही झाली नाही तर पुन्हा आंदोलन करणार असल्याचे सामाजिक कार्यकर्ते अशोक भोरडे यांनी “शिरुर तालुका डॉट कॉम” शी बोलताना सांगितले.
पुणे जिल्हाधिकारी यांच्या आदेशान्वये झालेल्या तलाठ्यांच्या दप्तर तपासणीमुळे महसूलचे धाबे दणाणले..
पावसाळ्यात पावसामुळे निसर्ग मस्त हिरवेगार बनते, त्यासोबतच उन्हाळ्यानंतर आपल्याला मानसिक शांतीही मिळते. पण त्याचबरोबर पावसाळ्यात…
तब्येत सांभाळण्यासाठी लोकांना पुरेसा वेळ मिळत नाही. पण अनेकांना हे माहीत नसतं की, आयुर्वेदात अशा…
खूप मोबाईल किंवा टीव्ही पाहतात म्हणून फक्त लहान मुलांनाच दोष देऊन उपयोग नाही. कारण त्यांच्या…
दोषमुक्तीचा अर्ज उच्च न्यायालयाकडून फेटाळला नाशिक: युनियन बँक ऑफ इंडिया आणि बँक ऑफ महाराष्ट्र यांच्या…
अमरावती: शिक्षकांच्या प्रश्नांना सरकार प्राधान्य देईल आणि महायुतीचे उमेदवार किरण सरनाईक यांनी वचननाम्यात दिलेली आश्वासने…
अमरावती: देशातील लोकशाही व्यवस्था, भारतीय संविधान आणि बहुजन समाजाचे अधिकार सुरक्षित ठेवण्यासाठी काँग्रेस कार्यकर्त्यांनी निर्भीडपणे…