शिरुर; सामाजिक कार्यकर्त्यांची सुरक्षा ऐरणीवर अशोक भोरडे यांच्या जिवितास धोका पोहचवण्याचा कट…?

शिरुर (तेजस फडके) शिरुर तालुक्यातील सामाजिक कार्यकर्ते अशोक भोरडे यांच्या चारचाकी गाडील अज्ञात कार चालकाने त्यांच्या समोरुन भरधाव वेगाने कार आडवी मारत घातपात घडवण्याचा प्रयत्न केला. हि घटना बुधवार (दि 29) रात्री पाऊणे दहाच्या सुमारास तळेगाव-न्हावरे रोडवरील तोडकर वस्तीजवळ घडली आहे. याप्रकरणी भोरडे यांच्या तक्रारीवरून शिक्रापूर पोलीस ठाण्यात गुन्हा दाखल करण्यात आला आहे.

 

या प्रकारामुळे सामाजिक कार्यकर्ते व माहिती अधिकार कार्यकर्ते यांच्या सुरक्षेचा प्रश्न ऐरणीवर आला आहे तसेच त्यांच्या जिवीतास धोका निर्माण झाला आहे. सामाजिक कार्यकर्ते अशोक भोरडे यांनी गौण खनिज उत्खनन व वाहतूक करणाऱ्या माफियांच्या विरोधात केलेल्या तक्रारींमुळे गौण माफियांना कोट्यावधी रुपयेचा दंड आकारण्यात आला. महसूल, पोलिस आदी विभागातील अधिकाऱ्यांच्या तक्रारी देखील भोरडे यांनी केलेल्या आहेत. त्यांच्या तक्रारीमुळे अधिकारी व कर्मचारी यांच्या बदल्या होऊन चौकशा सुरु आहे.

 

भोरडे हे सातत्याने गोरगरिबांना न्याय मिळवून देण्याचे काम करतात. त्याबरोबर निर्भीडपणे असामाजिक तत्त्वांविरुद्ध आवाज उठवतात. त्यामुळे अनेकांना दंड झाल्याने व लोक सेवकांच्या चौकशा सुरु आहेत. त्यामुळे गौण खनिज माफीया व काही लोक सेवक यांकडून भोरडे जीवितास धोका होण्याची शक्यात नाकारता येत नाही. त्यामुळे कोनाच्या तरी सांगण्यावरुन घातपात घडवून यावा या हेतूने हा प्रकार केलेला असावा अशी शाशंकता भोरडे यांनी व्यक्त केली आहे.

 

निमगाव म्हाळुंगी येथील सामाजिक कार्यकर्ते तथा माहिती अधिकार कार्यकर्ते अशोक भोरडे हे बुधवारी (दि.२९ मे) रात्री पाऊणे दहा वाजेच्या सुमारास त्यांच्या चारचाकी गाडीने तळेगाव ढमढेरे वरुन घरी जात होते. दरम्यान तळेगाव-न्हावरे रोडवरील तोडकर वस्ती येथे कॅनॉल पाटाचे जवळ न्हावरे बाजुच्या दिशेने एक पांढऱ्या रंगाची कार भरधाव वेगात येत कार चालकाने भोरडे यांच्या कारला आडवी मारल्याने प्रसंगावधान राखत भोरडे यांनी त्यांची कार रस्त्याच्या डाव्या बाजुला घेत बचाव केला. त्यानंतर भोरडे यांनी कार वळवून तळेगाव बाजार मैदान पर्यंत गेले. परंतु त्याठिकाणी तीन रस्ते असल्याने सदरची कार ही वेगाने कोणत्यातरी एका रस्त्याने निघून गेली.

 

त्यानंतर शेतीचे कामकाज असल्याने भोरडे तळेगाव रोडने त्यांच्या घरी गेले. काम आटोपल्यानंतर भोरडे यांनी जीवाला धोका असल्याबाबत शिक्रापूर पोलीस स्टेशनला रीतसर तक्रार दाखल केली. भोरडे यांच्या तक्रारीवरून अज्ञाताविरुद्ध गुन्हा दाखल करण्यात आला असून पुढील तपास पोलीस हवालदार किशोर तेलंग हे करत आहेत.

शिरुर तालुक्यातही पोर्शे पॅटर्न, पोलिस पाटलाच्या अल्पवयीन मुलीच्या हातात चारचाकी; धडक बसल्याने एकाचा मृत्यू

शिरुर; वाळूमाफिया आणि माती चोरांसाठी हवेलीतील बड्या नेत्याचा महसूल व पोलिस अधिकाऱ्यांवर दबाव…?

शिरुर तालुक्यातही पोर्शे पॅटर्न जोरात अल्पवयीन मुलांच्या हातात दुचाकी, ट्रॅक्टर अन चारचाकी गाड्या