savindane-farmer
गुन्हा दाखल करण्यासाठी प्रशासनाची टाळाटाळ
शिरुर (तेजस फडके): सविंदणे (ता. शिरूर) येथे शेतजमिनीची सरकारी मोजणी करण्यासाठी आलेल्या कर्मचाऱ्यांना मोजणी करण्यास मज्जाव करण्यासाठी बेकायदेशीर जमाव जमवून अंगावर डिझेल ओतून घेत पेटवून घेण्याचा प्रयत्न केल्याची घटना शुक्रवारी (ता. २९) घडली. यावेळी बंदोबस्तासाठी असलेल्या पोलीसांनी रोखण्याचा प्रयत्न केला असता त्यांनाही अरेरावी करण्यात आली.
सविंदणे (ता. शिरूर) येथील शेतकरी मंदा तानाजी रोकडे यांनी त्यांच्या मालकीच्या जमिनीची हद्दकायम मोजणी करण्यासाठी भुमि अभिलेख कार्यालय शिरूर येथे अर्ज केला होता. त्यानुसार २० सप्टेंबर रोजी मोजणी मंजूर करण्यात आली होती. त्यावेळी काही व्यक्ती बेकायदेशीरपणे हरकत घेऊन वादविवाद करणार असल्याची शक्यता असल्याने अर्जदार यांनी सशुल्क पोलीस बंदोबस्त घेतला होता. परंतु, त्यावेळी भिवा खुमाजी पडवळ, भक्तिराम शिवराम पडवळ, रतन दत्तात्रेय पडवळ यांसह त्यांच्या कुटुंबातील लोकांनी वादविवाद करत मोजणी कामात अडथळा निर्माण केला. त्यामुळे मोजणी होऊ शकली नाही.
तदनंतर पडवळ यांनी मंदा रोकडे यांच्या मालकीच्या जमीनीची मोजणी करण्यासाठी स्थगिती द्यावी म्हणून उप अधिक्षक भुमि अभिलेख व घोडनदी न्यायालयात अर्ज केला. परंतु न्यायालयाने स्थगिती देण्यासाठीचा अर्ज नामंजूर केला. त्यानंतर शुक्रवारी (ता. २९) रोजी मोजणी कर्मचारी पियुष बगाडे, पोलीस कर्मचारी व अर्जदार शेतात मोजणी करण्यासाठी गेले असता. तेथे भिवा खुमाजी पडवळ, भक्तिराम शिवराम पडवळ, रतन दत्तात्रेय पडवळ यांसह त्यांच्या कुटुंबातील व्यक्तींनी सरकारी मोजणी करण्यासाठी आलेल्या कर्मचाऱ्यांना मोजणी करण्यापासून मज्जाव केला. बेकायदेशीर जमाव जमवून अंगावर डिझेल ओतून घेत पेटवून घेण्याचा प्रयत्न केला. यावेळी बंदोबस्तासाठी असलेल्या पोलीसांनी त्यांना रोखण्याचा प्रयत्न केला असता त्यांनाही अरेरावी करण्यात आली. तरीही भुमि अभिलेख अधिकारी व पोलिस प्रशासनाकडून गुन्हा दाखल करण्यास टाळाटाळ करण्यात येत असून बघ्याची भुमिका घेतली जात आहे.
दरम्यान, अर्जदार मंदा तानाजी रोकडे यांनी न्याय न मिळाल्यास आमरण उपोषण करण्याचा इशारा दिला आहे. त्यामुळे भुमि अभिलेख व पोलीस प्रशासन कायदेशीर मार्गाने न्याय मागणा-या शेतकरी महिलेला न्याय देणार का? की, बघ्याची भुमिका घेत बेकायदेशीर कृत्य करणा-यांना मोकळीक देणार हे पाहणे महत्त्वाचे ठरणार आहे.
मोजणी अधिकारी व पोलिसांच्या बघ्याच्या भुमिकेमुळे शेतकरी त्रस्त…
शिरूर तालुक्यातील गावांमध्ये सरकारी मोजणी करणे शेतकऱ्यांना डोकेदुखी ठरत आहे. मोजणीसाठी अर्ज केल्यानंतर अनेकदा वर्षभर तारखा मिळत नाही. चिरीमिरी साठी अनेक प्रकरणे प्रलंबित ठेवण्यात येतात. त्यातही तारीख मिळाल्यास पोलीस बंदोबस्तात ही मोजणी होत नाहीत. सरकारी कामात अडथळा निर्माण करत अरेरावी करणा-यांवर कठोर कारवाई करण्यात येत नसल्याने घटना वाढत आहेत. भुमि अभिलेख कार्यालयातील अधिकारी व पोलीस अधिकारी एकमेकांकडे बोट दाखवत बघ्याची भुमिका घेत आहेत. त्यामुळे शेतकरी हतबल झाले आहेत.
शिरूर! भ्रष्टाचारी तलाठ्यांच्या विरोधात सामाजिक कार्यकर्ते सुभाष जगताप करणार उपोषण…
बापरे! शिरूर शहरात तब्बल ८४ लाख ३४ हजार रुपयांचा एकाला ऑनलाईन गंडा…
शिरुर तालुक्यात मारहाण करुन जबरी दरोडा; सोन्याच्या झुब्यासाठी महिलेचे कान कापले
पुणे-नगर महामार्गावर युवती किंवा महिलांना लिफ्ट देताय…? सावधान…
शिरूर तालुक्यातील तलाठी, मंडल आधिकाऱ्यांकडून आर्थिक मलईसाठी नोंदी करण्यासाठी होतेय टाळाटाळ…
मुंबई: 27 एप्रिल २०२६, मुंबई महानगरपालिकेचे अतिरिक्त आयुक्त श्री.अभिजीत बांगर यांना ‘खड्डेमुक्ती’ अभियानातील गंभीर अनियमितता…
जवस हे एक गळिताचे धान्य आहे. यालाच मराठीत अळशी, गुजराथीत अलसी, हिंदीत अलसी किंवा तिसी,…
छातीत दुखणे हे एक चिंताजनक लक्षण असू शकते, ज्यामुळे त्वरित लक्ष देणे आणि मूल्यांकन करणे…
मुंबई: महाराष्ट्र शासनाने पद्म पुरस्कारांसाठी स्थापन केलेल्या समितीत सांस्कृतिक मंत्र्यांना स्थान न दिल्याने राजकीय वर्तुळात…
पुणे: महापालिकेच्या स्थायी समितीने महिलांच्या नावावर असलेल्या ५०० चौरस फुटांपर्यंतच्या घरांना मिळकतकरात ५० टक्के सवलत…
पुणे: शहरात निष्काळजीपणा आणि बेफिकीर वाहनचालकांमुळे दोन गंभीर दुर्घटना घडल्या असून, यात एका चिमुकल्या मुलीचा…