महिलेची सुसाईड नोट ‘शिरुर तालुका डॉट कॉम’च्या हाती…

शिरुर (तेजस फडके): शिरूर तालुक्यातील रामलिंग येथील एका महिलेने आत्महत्येपूर्वी लिहिलेली सुसाईड नोट ‘शिरुर तालुका डॉट कॉम’च्या हाती लागली आहे.

शिरुर रामलिंग येथे राहणाऱ्या अंजली ज्ञानदेव गायकवाड (वय ३३) या महिलेने सोमवारी (ता. 8) दुपारी चारच्या दरम्यान राहत्या घरात सिलिंग फॅनला साडीच्या साह्याने गळफास घेत आत्महत्या केली होती. आत्महत्या करण्यापूर्वी सदर महिलेने सहा पानांची सुसाईड नोट लिहिली होती. ती सुसाईड नोट ‘www.shirurtaluka.com’ च्या हाती लागली आहे.

संबंधित सुसाईड नोट मध्ये सदर महिलेने अनेक गोष्टीचा उलगडा केला आहे. या सुसाईड नोट मुळे पोलिसांना तपास करण्यात मदत होणार आहे. तसेच सदर महिलेने आत्महत्या का केली…? कोणामुळे केली…? याचाही शोध लागण्यास मदत होईल. सुसाईड नोट मध्ये शिरुर तालुक्यातील रांजणगाव MIDC मध्ये बांधकाम व्यवसाय करणाऱ्या एका प्रतिष्ठित व्यक्तीच्या नावाचाही उल्लेख असल्याचे शिरुर पोलिस स्टेशनचे पोलिस निरीक्षक सुरेशकुमार राऊत आता सदर व्यक्तीवर काय कारवाई करणार? हे पाहणे महत्वाचे ठरणार आहे.

दरम्यान, अंजली ज्ञानदेव गायकवाड यांनी आत्महत्या केल्यानंतर शिरूर तालुक्यात खळबळ उडाली आहे. याबाबत तक्रार दाखल झाली असून, पोलिसांच्या भूमिकेकडे नागरिकांचे लक्ष लागले आहे.

शिरुरमध्ये गळफास घेऊन महिलेची आत्महत्या, आत्महत्येपुर्वी लिहिली सुसाईड नोट