शिरूर तालुक्यात ३ लाखांहून अधिक मतदार; ७ फेब्रुवारीला मतदान, ९ फेब्रुवारीला मतमोजणी

शिरूर (तेजस फडके): शिरूर तालुक्यातील जिल्हा परिषद व पंचायत समितीच्या आगामी निवडणुकीसाठी एकूण ३ लाख १ हजार ९५६ मतदार मतदानाचा हक्क बजावणार आहेत. यामध्ये १ लाख ५३ हजार ४२५ पुरुष, १ लाख ४८ हजार ५१८ महिला आणि १३ इतर मतदार यांचा समावेश आहे.

तालुक्यातील जिल्हा परिषदेच्या ७ गटांपैकी पाबळ गटात सर्वाधिक ४६ हजार ६२० मतदार असून, पंचायत समितीच्या १४ गणांपैकी केंदुर गणात सर्वाधिक २३ हजार ३३० मतदार असल्याची माहिती निवडणूक प्रशासनाकडून देण्यात आली आहे.या निवडणुकीसाठी शनिवार, ७ फेब्रुवारी रोजी मतदान होणार असून, सोमवार, ९ फेब्रुवारी रोजी सकाळी १० वाजल्यापासून कारेगाव येथील वखार महामंडळाच्या गोडाऊनमध्ये मतमोजणी केली जाणार आहे.

दरम्यान, राज्याचे उपमुख्यमंत्री अजितदादा पवार यांच्या अपघाती निधनाचे सावट या निवडणुकीवर दिसून येत असून, संपूर्ण तालुक्यात शोकाकुल वातावरण आहे. त्यामुळे निवडणूक प्रचार व वातावरणावर त्याचा परिणाम जाणवत आहे.

जिल्हा परिषद गटनिहाय मतदारसंख्या

कवठे यमाई – ४२,६९०

न्हावरे – ४३,२४१

रांजणगाव गणपती – ४१,१२१

पाबळ – ४६,६२० (सर्वाधिक)

शिक्रापूर – ४०,७४७

तळेगाव ढमढेरे – ४३,६७७

मांडवगण फराटा – ४३,६९०

पंचायत समिती गणनिहाय मतदारसंख्या

टाकळी हाजी – २०,७२८

कवठे यमाई – २१,९६२

शिरूर ग्रामीण – २२,७६५