शिरुर (तेजस फडके) विसापुर-शिरुर एसटी बस वाहकाला देवदैठण (ता. श्रीगोंदा) येथे इको कार चालक व त्याच्या साथीदाराने मारहाण करुन शासकीय कामात अडथळा आणल्याची घटना समोर आली आहे. या प्रकरणी वाहक संतोष बाळासाहेब थोपटे (वय ३६, रा. मोराची चिंचोली, ता. शिरुर, जि. पुणे) यांनी शिरुर पोलीस स्टेशन येथे फिर्याद दाखल केली आहे.
सोमवार (दि १५ सप्टेंबर २०२५ रोजी सायंकाळी ६:०० च्या सुमारास एसटी बस क्रमांक एमएच १४ डीटी ४१४३ हि श्रीगोंदा तालुक्यातील विसापुर गावावरुन शिरुरकडे जात होती. बसचे चालक कुडलिक गाडीलकर आणि वाहक संतोष थोपटे हे कर्तव्य बजावत असताना देवदैठण शिवारातुन जाताना पावसामुळे रस्त्याच्या कडेला असलेल्या खड्ड्यातील पाणी इको कारवर उडाल्याने इको चालक संतापला. त्याने एसटी चालकाला शिवीगाळ करत “पुढे पाहतो” अशी धमकी दिली.
यानंतर देवदैठण गावाच्या पुढे शिरुरकडे जाणाऱ्या रस्त्यावर इको कार (क्र. एमएच १६ डीजी ९१४५) बससमोर आडवी लावून काही जणांनी एसटी थांबवली. त्यानंतर कारचालकाने फोन करुन त्याच्या साथीदाराला बोलावून घेतले. लाल रंगाचा टी-शर्ट परिधान केलेला इसम सागर ससाणे हा बसमध्ये घुसला आणि वाहक थोपटे यांना शिवीगाळ करत मारहाण केली.
त्यानंतर बस चालक गाडीलकर व इतर प्रवाशांनी हस्तक्षेप करत हा प्रकार थांबवला. या प्रकारामुळे प्रवाशांमध्ये काही काळ भीतीचे वातावरण निर्माण झाले होते. या प्रकरणी संतोष थोपटे यांनी दिलेल्या फिर्यादीवरुन इको कार (क्रं एमएच १६ डीजी ९१४५) वरील चालक आणि सागर ससाणे यांच्याविरुद्ध शिरुर पोलीसांनी गुन्हा दाखल केला आहे.
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…
मुख्यमंत्री देवेंद्र फडणवीस यांची ‘इंडिया केम २०२६’मध्ये घोषणा; रासायनिक उद्योगातील गुंतवणूक आणि रोजगार दुप्पट करण्यावर…
हर्षवर्धन सपकाळ यांचा महायुती सरकारवर घणाघात; ५०० कोटींच्या आरोपांची ईडी चौकशी करण्याचीही मागणी मुंबई: राज्यातील वाढती…