महिलेच्या अत्याचाराचा व्हिडिओ व्हायरल करण्याची धमकी
शिक्रापूर (शेरखान शेख): शिक्रापूर (ता. शिरुर) येथे राहणारी महिला एकटी घरी असताना महिलेच्या घरी जाऊन महिलेला शीतपेयातून गुंगीचे औषध देऊन महिलेला बेशुध्द करत जबरदस्तीने महिलेवर बलात्कार करुन घटनेचा व्हिडिओ सोशल मिडीयावर व्हायरल करण्याची धमकी देत वारंवार अत्याचार केल्याची घटना घडली असल्याने शिक्रापूर पोलीस स्टेशन येथे सुर्यकांत चंद्रकांत शिर्के याचे विरुद्ध गुन्हे दाखल करत अटक करण्यात आली आहे.
शिक्रापूर (ता. शिरुर) येथील पिडीत महिलेची सुर्यकांत शिर्के याचे सोबत ओळख झालेली असताना सुर्यकांत हा जून २०२१ मध्ये सदर महिलेच्या घरी गेला त्याने पेप्सी शीतपेय घेऊन जाऊन त्यामध्ये गुंगीचे औषध टाकून महिलेला पिण्यास देऊन महिलेला बेशुध्द देऊन महिलेवर जबरदस्तीने बलात्कार करत सदर घटनेचे मोबाईल मध्ये चित्रीकरण केले. त्यानंतर सदर चित्रीकरण बाबत महिलेला बोलून व्हिडिओ सोशल मिडीयावर व्हायरल करण्याची धमकी देत महीलेवर वारंवार अत्याचार करु लागला. त्यामुळे महिला जानेवारी २०२३ नंतर सदर ठिकाणहून दुसरी कडे राहण्यास गेली.
मात्र सुर्यकांत हा वारंवार महिलेशी संपर्क करुन त्रास देऊन धमकी देत असल्याने आंखे महिलेने याबाबत फिर्याद दिल्याने शिक्रापूर पोलिसांनी सुर्यकांत चंद्रकांत शिर्के रा. हिवरे कुंभार (ता. शिरुर) जि. पुणे याचे विरुद्ध बलात्कार सह आदी गुन्हे दाखल करत त्याला अटक केली असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली महिला पोलीस उपनिरीक्षक माधुरी झेंडगे या करत आहे.
सप्टेंबर २०२२ मध्ये देखील सुर्यकांत याने एका महिलेचे कपडे बदलताना फोटो काढून महिलेशी संपर्क करुन तुझे अश्लील फोटो माझ्याकडे आहे तू मला भेट नाहीतर मी तुझे फोटो व्हायरल करेल, अशी धमकी देऊन महिला भेटल्यानंतर तिचा विनयभंग केला. तसेच महिला राहत असलेल्या सोसायटीच्या आवारात महिलेचे काही फोटो टाकलेले होते. याबाबत देखील शिक्रापूर पोलिसांत गुन्हा दाखल असल्याची माहिती पोलिसांनी दिली आहे.
शिक्रापूर : शिक्रापूर-चाकण रस्त्यावर गॅस कंटेनरचा स्फोट होऊन भीषण आग लागल्याची घटना आज (रविवार) पहाटे…
शिक्रापुर (योगेश शेंडगे) वढु बुद्रुक (ता. शिरुर) येथे मानसिक संतुलन हरवलेल्या दोन महिलांवर योग्य औषधोपचार…
पुणे (प्रतिनिधी) सध्या राज्यात अवकाळी पाऊसामुळे अनेक ठिकाणी होर्डींग कोसळण्याच्या घटना घडत आहेत. त्यामुळे सर्वसामान्य…
शिरूर लोकसभा निवडणूकसाठी मतदार पार पडले असून, ठिकठिकाणी चर्चांना उधाण आले आहे. अमोल कोल्हे पाच…
कान्हूर मेसाई (सुनिल जिते) लोकसभा निवडणुकीच्या चौथ्या टप्प्यात शिरूर मतदार संघासाठी सोमवारी मतदान झाले. कान्हूर…
तळेगाव ढमढेरे (योगेश शेंडगे) शिरुर तालुक्यातील तळेगाव ढमढेरे गावातील अतिशय महत्त्वाचा तसेच वर्दळीचा आणि पुणे-नगर…