गंभीर दुर्घटना टाळण्यासाठी तातडीची प्रतिबंधात्मक कारवाई करण्याची मागणी

मुंबई: मुंबईतील नाइट क्लब आणि मनोरंजन स्थळांमध्ये अग्निसुरक्षेची पर्वा न केल्यामुळे उद्भवणाऱ्या गंभीर धोक्याच्या पार्श्वभूमीवर राष्ट्रवादी युवक काँग्रेस शरदचंद्र पवार पक्षातर्फे मुख्य अग्निशामक अधिकाऱ्यांना निवेदन सादर

गोवा राज्यातील नाइट क्लबमध्ये अलीकडेच घडलेल्या भीषण आगीत २५ निरपराध नागरिकांचा मृत्यू झाल्याच्या धक्कादायक घटनेनंतर, मुंबईत अशाप्रकारची दुर्घटना टाळण्यासाठी तातडीची प्रतिबंधात्मक कारवाई करण्याची मागणी राष्ट्रवादी युवक काँग्रेसचे शरदचंद्र पवार पक्षाचे मुंबई अध्यक्ष ॲड अमोल मातेले यांनी केली आहे.

आज राष्ट्रवादी युवक काँग्रेसचे प्रदेश प्रवक्ते व युवक मुंबई अध्यक्ष ॲड. अमोल मातेले, जिल्हाध्यक्ष संतोष पवार, तालुकाध्यक्ष सुयोग भुजबळ, मुंबई सचिव ब्लेस डिसोजा आणि कलिना तालुका उपाध्यक्ष सतीश पवार यांच्या नेतृत्वाखाली मुंबई महानगरपालिका कार्यालयात जाऊन मुख्य अग्निशामक अधिकारी श्री. रविंद्र आंबोलकर यांना सविस्तर निवेदन सादर करण्यात आले.

निवेदनातील प्रमुख मागण्या मुंबईतील नाइट क्लब्सवर तात्काळ धाडी व Surprise Fire Safety Inspection

मुंबईतील खालील प्रमुख नाइट क्लब/मनोरंजनस्थळांमध्ये तातडीने अग्निसुरक्षा तपासणी करण्याची मागणी करण्यात आली. सर्व गर्दीची ठिकाणी अग्निसुरक्षेची स्थिती तात्काळ तपासणे आवश्यक आहे.

Fire NOC, सुरक्षा यंत्रणा व आपत्कालीन उपाययोजना यांची कायदेशीर पडताळणी

निवेदनात खालील मुद्द्यांची तातडीने तपासणी करण्याची विनंती करण्यात आली.वैध Fire NOC आणि त्याचे नूतनीकरण

फायर अलार्म, हायड्रंट, स्प्रिंकलर, स्मोक डिटेक्टरची कार्यस्थिती

आपत्कालीन एक्झिट्स, वायुवीजन व्यवस्थाप्राणवायू मार्गांवर अडथळे नसावेत

फायर ड्रिलचे प्रमाणपत्र आणि अंमलबजावणी

नियमांचे उल्लंघन झाल्यास शून्य-सहनशीलता धोरण लागू करावे अग्निसुरक्षा नियमांचे पालन न करणाऱ्या आस्थापनांवर खालील कारवाई करावी .तत्काळ परवाना रद्द आस्थापना सील करणे,आर्थिक दंड व गुन्हे नोंद

बेकायदेशीर बदल आढळल्यास तातडीची पावले.

BMC – अग्निशमन दल – पोलीस यांच्या संयुक्त पथकाची मागणी साप्ताहिक धाडी, रात्रीच्या वेळी तपासणी आणि व्हिडिओग्राफिक पुराव्यासह अहवाल सादर करण्यासाठी संयुक्त टास्क फोर्स स्थापन करण्याची मागणी करण्यात आली. नागरिक व कर्मचाऱ्यांसाठी अग्निसुरक्षा प्रशिक्षण अनिवार्य करावे

नाइट क्लब्स व मनोरंजनस्थळांमध्ये काम करणाऱ्या कर्मचाऱ्यांसाठी आपत्ती व्यवस्थापन प्रशिक्षण

नियमित Mock Drills

अग्निसुरक्षा जागरूकता कार्यक्रम यांचे पालन बंधनकारक करण्यात यावे, असे निवेदनात नमूद करण्यात आले. घटना ही मोठा धडा नागरिकांच्या सुरक्षेला सर्वोच्च प्राधान्य द्यावे.

निवेदनात हे स्पष्ट करण्यात आले की “प्रॉफिट ओव्हर सेफ्टी” ही प्रवृत्ती प्राणघातक ठरते. मुंबई महानगरपालिका, अग्निशमन दल आणि संबंधित विभागांनी तातडीने कारवाई करून शहरातील नागरिकांचे जीवित संरक्षण सुनिश्चित करणे ही अत्यंत महत्वाची जबाबदारी आहे.

प्रतिनिधी शिष्टमंडळाची भूमिका

निवेदन करताना ॲड. अमोल मातेले यांनी सांगितले “गोवा येथील दुर्घटना ही प्रशासन व आस्थापना मालकांसाठी मोठा इशारा आहे. मुंबईत अशा घटना होऊ नयेत म्हणून तातडीची, निर्णायक आणि कठोर कारवाई अत्यावश्यक आहे.