मुंबई: अन्न व औषध प्रशासनाने (एफडीए) जून-जुलै 2026 या कालावधीत राज्यभर बनावट औषधे, विनापरवाना उत्पादन-विक्री, भ्रामक जाहिराती आणि एनडीपीएस औषधांच्या गैरवापराविरोधात मोठी मोहीम राबवत 88 धडक कारवाया केल्या. या कारवाईत सुमारे 9.50 कोटी रुपयांचा बेकायदेशीर औषधे व सौंदर्यप्रसाधनांचा साठा जप्त करण्यात आला. तसेच 20 गुन्हे दाखल करून 10 आरोपींना अटक करण्यात आली असून, नियमभंग करणाऱ्या तीन रक्तपेढ्यांचे परवाने कायमस्वरूपी रद्द करण्यात आले आहेत.
एफडीएने औषधे व सौंदर्यप्रसाधने अधिनियम, वैद्यकीय उपकरण नियम, एनडीपीएस कायदा आणि औषधे व जादूटोणादी उपाय (आक्षेपार्ह जाहिराती) अधिनियमांतर्गत ही राज्यव्यापी कारवाई केली. भ्रामक आणि अवास्तव दावे करणाऱ्या आयुर्वेदिक उत्पादनांच्या जाहिरातींवर विशेष लक्ष केंद्रित करत 31 आस्थापनांवर कारवाई करण्यात आली. या कारवाईत 55.57 लाख रुपयांची औषधे जप्त करण्यात आली.
नागपूर, मुंबई, ठाणे, पुणे, कोल्हापूर, अहिल्यानगर, सोलापूर, नांदेड, अकोला, सातारा, जळगाव आणि छत्रपती संभाजीनगर येथे विनापरवाना औषध उत्पादन व विक्रीविरोधात 27 कारवाया करण्यात आल्या.
सौंदर्यप्रसाधनांवरही कारवाई
मुंबई आणि भिवंडीतील विनापरवाना सौंदर्यप्रसाधन उत्पादन केंद्रांवर धाड टाकून बॅच क्रमांक, उत्पादन व मुदत समाप्ती दिनांक नसलेली तसेच खोट्या पत्त्यावर उत्पादित असल्याचे दर्शविणारी उत्पादने जप्त करण्यात आली. एका बेकायदेशीर क्रीम उत्पादन कारखान्यालाही टाळे ठोकण्यात आले.
पाकिस्तानी क्रीम जप्त
मोगलपुरा परिसरातील एका कॉस्मेटिक दुकानातून प्रतिबंधित पाकिस्तानी सौंदर्यप्रसाधनांचा साठा जप्त करण्यात आला. याप्रकरणी शाहीद रियाज शेख (36) याच्याविरोधात गुन्हा दाखल करण्यात आला असून 12 हजार 100 रुपयांचा मुद्देमाल जप्त करण्यात आला आहे.
रक्तपेढ्यांसाठी कडक नियम
राज्यातील विविध रक्तपेढ्यांतील गैरप्रकारांची गंभीर दखल घेत एफडीएने नव्या रक्तधोरणांतर्गत सर्व रक्तपेढ्यांसाठी कडक निर्देश लागू करण्याचा निर्णय घेतला आहे. तसेच रक्तदान शिबिर आयोजकांसाठी स्वतंत्र निकष निश्चित करण्यात येणार असून रक्तसंकलन प्रक्रियेत अधिक पारदर्शकता आणि सुरक्षितता सुनिश्चित केली जाणार आहे.
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…
फळं खाण्यापेक्षा फळांचा रस पिणं हे जास्त आरोग्यदायी आहे. फळांचा रस घेतल्यानं वजन कमी होतं.…