वर्षाच्या अखेरीस पुन्हा महागाईचा ताप; ॲड.अमोल मातेले

गॅस सिलेंडर महागल्याने सामान्य माणूस होरपळला

मुंबई: महागाईने पुन्हा एकदा सामान्य जनतेला आपल्या कचाट्यात ओढले आहे. गॅस सिलेंडरच्या किंमतीत सलग पाचव्यांदा वाढ झाल्याने ग्राहकांच्या खिशाला चांगलाच फटका बसला आहे. “घरातले चूलबुडगे आणि बाजारातले दरबुडगे” या म्हणीप्रमाणे आता घरगुती स्वयंपाकासाठीही जास्त खर्च करावा लागत आहे.

आधीच वाढलेल्या महागाईने सर्वसामान्य जनतेचे कंबरडे मोडले असताना, गॅस सिलेंडरच्या किंमतीत वाढ म्हणजे “आगीत तेल ओतणे” ठरले आहे. “कष्टाची भाकरी खावी आणि तिजोरी रिकामी व्हावी” अशी परिस्थिती ग्राहकांच्या वाट्याला आली आहे. असे राष्ट्रवादी काँग्रेस शरदचंद्र पवार पक्षाचे प्रवक्ते व युवकचे मुंबई अध्यक्ष अमोल मातेले यांनी म्हटले आहे.

जनतेच्या अपेक्षा सरकारकडून अधिक असताना, “सत्ताधाऱ्यांचा कळस आणि जनतेचे तळघर” अशी स्थिती तयार होत आहे. जीवनावश्यक वस्तूंवरील सततच्या दरवाढीमुळे “दुःख दावायला वेळ नाही आणि खर्च भागवायला पैसाच नाही” अशी अवस्था झाली आहे.

सरकारने या परिस्थितीकडे गांभीर्याने पाहावे आणि तातडीने उपाययोजना कराव्यात, अन्यथा “जनतेचा राग हा शांततेचा शेवट आणि क्रांतीची सुरुवात” ठरेल, याची नोंद घेणे गरजेचे आहे. असा इशारा राष्ट्रवादी काँग्रेस शरदचंद्र पवार पक्षाचे प्रवक्ते व युवकचे मुंबई अध्यक्ष ॲड.अमोल मातेले यांनी दिला.