पुणे: पहलगाम दहशतवादी हल्ल्यात शहीद झालेल्या संतोष जगदाळे यांच्या कन्या आसावरी संतोष जगदाळे यांनी पुणे महानगरपालिकेत नोकरी मिळाल्यानंतर विधान परिषदेच्या उपसभापती डॉ. नीलम गोऱ्हे यांची भेट घेतली. यावेळी डॉ. गोऱ्हे यांच्या हस्ते आसावरी यांचा शाल व पुष्पगुच्छ देऊन सत्कार करण्यात आला.
उपमुख्यमंत्री एकनाथ शिंदे यांनी एप्रिल २०२५ मध्ये जगदाळे कुटुंबीयांची भेट घेऊन शासकीय सेवेत नोकरी देण्याचे आश्वासन दिले होते. त्यानंतर मुख्यमंत्री देवेंद्र फडणवीस यांच्या निर्देशानुसार महापालिका आयुक्त नवलकिशोर राम यांनी विशेष प्रक्रिया राबवत आसावरी जगदाळे यांची प्रशासकीय अधिकारी (वर्ग-२) पदावर नियुक्ती केली.
या पार्श्वभूमीवर २० मार्च रोजी झालेल्या भेटीत आसावरी यांनी डॉ. गोऱ्हे यांचे आभार मानले. यावेळी संतोष जगदाळे यांच्या पत्नी प्रगती जगदाळे उपस्थित होत्या. डॉ. गोऱ्हे यांनी आसावरी यांच्या पुढील वाटचालीसाठी शुभेच्छा देत कुटुंबाला भविष्यातही सहकार्य करण्याचे आश्वासन दिले.या प्रसंगी बाळासाहेब भांडे, आनंद गोयल, एकनाथ ढोले, विठ्ठल तांबे, ज्योती गाडे, सोनाली लांडगे, रिंकू मोरे आदी शिवसेना कार्यकर्ते उपस्थित होते.
दरम्यान, २६ मार्च हा संतोष जगदाळे यांचा स्मृतिदिन असून, शासनाने दिलेली नोकरी ही त्यांना वाहिलेली खरी आदरांजली असल्याची भावना कुटुंबीयांनी व्यक्त केली.उल्लेखनीय म्हणजे, २२ एप्रिल २०२५ रोजी झालेल्या पहलगाम दहशतवादी हल्ल्यात संतोष जगदाळे यांच्यासह २६ पर्यटकांचा मृत्यू झाला होता.
शिरुर (तेजस फडके) शिरुर तालुक्यातील मांडवगण फराटा येथे क्रिकेट स्पर्धेदरम्यान झालेल्या फायरींग प्रकरणातील दोन मुख्य…
संवेदनशीलता आणि मानवतेचे दर्शन घडवणारी घटना जेजुरी: जेजुरी येथे दर्शनासाठी आलेली तीन वर्षांची चिमुकली हरवल्याने काही…
शिक्रापूर (ओमकार भोरडे): पारोडी हद्दीतील एनएच-५४८ महामार्गालगत उभारण्यात आलेला जिओ कंपनीचा मोबाईल टॉवर वारंवार बंद…
नवनियुक्त पोलीस निरीक्षक चंद्रशेखर यादव यांची प्रत्यक्ष बाजारात भेट; साध्या वेशातील पथके तैनात होणार शिक्रापूर…
शिरूर (अरुणकुमार मोटे): महाराष्ट्र राज्य पत्रकार महासंघाच्या शिरूर तालुका कार्यकारिणीची बैठक नुकतीच शिरूर येथे उत्साहात…
सामान्यपणे एक्सपर्ट दिवसातून ७-८ तास झोप घेण्याचा सल्ला देत असतात. कारण इतकी झोप शरीरासाठी गरजेची…