मुंबई : शिक्षक दिनानिमित्त अभ्युदय येथील शिवाजी विद्यालयात लायन्स क्लब ऑफ मीडटाऊनच्या वतीने मुंबईतील उपक्रमशील व गुणवंत शिक्षकांचा विशेष सत्कार करण्यात आला. मुंबईचे माजी शेरीफ जगन्नाथराव हेगडे यांच्या हस्ते विजय सावंत, राहुल जगताप यांच्यासह अनेक शिक्षकांना सन्मानित करण्यात आले.
लायन्स इंटरनॅशनल डिस्ट्रिक्टच्या लायन्स क्लब ऑफ मीडटाऊनतर्फे देण्यात येणारा ‘लायन्स क्लब शिक्षक पुरस्कार’ स्वीकारल्यानंतर विजय सावंत यांनी आपल्या भावना व्यक्त केल्या.
“हा माझा एकट्याचा सन्मान नसून, ज्या संस्थेने आपल्या शाळेत मला शिकविण्याची संधी उपलब्ध करून दिली, त्या सोशल सर्व्हिस लीग संस्थेचा आणि पर्यायाने माझ्या विद्यार्थ्यांचा तसेच सहकारी शिक्षकांचाही हा सन्मान आहे,” असे सावंत यांनी सांगितले.
रात्रशाळेतील विद्यार्थ्यांच्या जिद्दीचा उल्लेख करताना ते म्हणाले, “रात्रशाळेत येणारे विद्यार्थी वयाने मोठे असतात. दिवसभर कुठेतरी काम करत असताना अपूर्ण राहिलेले शिक्षण पूर्ण करण्याचा ध्यास घेऊन ते रात्रशाळेत प्रवेश घेतात. मोठे होण्याची स्वप्ने उराशी बाळगून ते शिक्षण घेतात आणि यशस्वीही होतात.”या कार्यक्रमाला विजय परदेशी यांच्यासह विविध पदाधिकारी, विद्यार्थी, पालक, मुख्याध्यापक, संस्थाप्रमुख तसेच शैक्षणिक क्षेत्रातील अनेक मान्यवर उपस्थित होते.
राज्यस्तरावर इंग्रजी विषयासाठी योगदान
विजय सावंत हे सिंधुदुर्ग जिल्ह्यातील दोडामार्ग तालुक्यातील कुंब्रळ गावचे सुपुत्र असून व्यवसायाने शिक्षक आहेत. त्यांनी SCERT पुणे, MEPA औरंगाबाद, RAA औरंगाबाद आणि नाशिक यांसह विविध ठिकाणी राज्यस्तरावर इंग्रजी तसेच इतर विषयांसाठी काम केले आहे.
पाठ्यपुस्तकांमध्ये क्यूआर कोड तयार करण्यासाठी दिलेल्या योगदानाबद्दल शिक्षणमंत्र्यांच्या हस्ते त्यांना प्रशस्तीपत्र देऊन गौरविण्यात आले आहे.
सावंत यांच्या साहित्यिक योगदानाचीही विशेष दखल घेण्यात आली आहे. त्यांचे ‘प्रकाश किरणाच्या शोधात’ आणि ‘जगण्याचे आर्त’ हे दोन कवितासंग्रह प्रकाशित झाले आहेत. त्यांचा ‘धाकावयले कावळे’ हा कथासंग्रह प्रकाशनाच्या मार्गावर आहे.यापूर्वी त्यांना एकता कल्चरल अकादमी, मुंबईचा ‘महात्मा ज्योतिबा फुले पुरस्कार’, अहिल्या शिक्षण संस्थेचा ‘गुणवंत शिक्षक पुरस्कार’ आणि लक्ष्मी शिक्षण संस्थेचा ‘साने गुरुजी पुरस्कार’ प्राप्त झाला आहे.
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…
मुख्यमंत्री देवेंद्र फडणवीस यांची ‘इंडिया केम २०२६’मध्ये घोषणा; रासायनिक उद्योगातील गुंतवणूक आणि रोजगार दुप्पट करण्यावर…
हर्षवर्धन सपकाळ यांचा महायुती सरकारवर घणाघात; ५०० कोटींच्या आरोपांची ईडी चौकशी करण्याचीही मागणी मुंबई: राज्यातील वाढती…
लोकशाही आणि संविधानाच्या रक्षणासाठी आंदोलन; अब्दुल समद यांचा आंदोलन सुरू ठेवण्याचा इशारा मुंबई: मुख्य निवडणूक…
विजय वडेट्टीवारांचा घणाघात; जरांगे पाटलांच्या ऑडिओ क्लिपची निष्पक्ष चौकशी करण्याची मागणी नागपूर : मराठा आरक्षण आंदोलक…
जेवणानंतर पान खाण्याची पद्धत आपल्याकडे फार आधीपासून आहे. त्यामध्ये विविध मसाले तसेच फळांचे फ्लेवर घालून…