शिरुर (तेजस फडके) पुणे जिल्हा परिषदेचे माजी सभापती मंगलदास बांदल यांच्या शिक्रापुर आणि हडपसर येथील दोन्ही निवासस्थानी (दि २०) ऑगस्ट रोजी ईडीने छापा टाकला. त्यानंतर रात्री उशिरा ईडीने चौकशीसाठी मंगलदास बांदल यांना चौकशीसाठी मुंबईला नेल्यानंतर काल (दि.२१) रोजी बांदल न्यायालयात हजर केले असुन बांदल यांचा पुढचा आठवडाभराचा मुक्काम ईडीच्या कस्टडीत असणार आहे. कारण (दि २९) रोजी पुन्हा न्यायालयात हजर करणार असल्याचे त्यांच्या निकटवर्तीयांनी सांगितले.
तसेच याच प्रकरणी मंगलदास बांदल यांच्या पत्नी जिल्हा परिषदेच्या माजी सदस्या रेखा बांदल यांना देखील ईडीने चौकशीसाठी आज (दि. २२) रोजी हजर राहण्यास सांगितले आहे. त्याचबरोबर बांदल यांचे थोरले बंधू प्रताप बांदल यांनाही चौकशीसाठी ईडी कार्यालयात बोलावण्यात आले आहे. शिवाजीराव भोसले बँकेच्या गैरव्यवहाराप्रकरणी मंगलदास बांदल यांना यापुर्वीही २१ महिने तुरुंगात काढावे लागले आहेत. याच प्रकरणी ईडीने बांदल यांना ताब्यात घेतले आहे.
शिरुर-हवेली मतदारसंघातील मोठं राजकीय व्यक्तिमत्त्व असलेले मंगलदास बांदल हे आलिशान कार आणि महागड्या वस्तूंचे चाहते आहेत. त्यामुळे बांदल यांच्या घरी जेव्हा ईडीने छापा टाकला तेव्हा चौकशी दरम्यान ५ कोटी ६० लाख रुपयांची रोकड, आलिशान कार, एक कोटी रुपयांची मनगटी घड्याळे आढळून आली आहेत.
बांदल यांच्यावर राजकीय द्वेषापोटी ईडीची कारवाई…?
यापुर्वी मंगलदास बांदल यांनी शिरुर तालुक्यातील राजकारणात अनेकांची धांदल उडवली आहे. तसेच बांदल यांनी यापुर्वी विधानसभा निवडणुक लढवलेली आहे. तसेच ते लोकसभेसाठीही इच्छुक होते. बांदल हे विरोधकांवर सडेतोड टिका करतात. सध्या ते विधानसभा निवडणुकीच्या रिंगणात उतरण्याची तयारी करत होते. त्यामुळे कदाचित राजकीय द्वेषापोटी तर बांदल यांना वारंवार अडचणीत आणण्याचा विरोधकांचा डाव नाही ना अशीही चर्चा दबक्या आवाजात शिरुर-हवेली मतदार संघात सुरु आहे.
मंगलदास बांदल यांच्या घरावर पुन्हा ईडीची धाड
मंगलदास बांदल यांना ईडीने केली अटक; कोट्यवधींचं घबाड
मंगलदास बांदल यांनी घेतली देवेंद्र फडणवीस यांची भेट; चर्चांना उधाण
न्हावरे (अक्षय टेमगिरे) : गुनाट ते शिंदोडी रस्त्यावर भरधाव आणि निष्काळजीपणे मोटारसायकल चालविणाऱ्या चालकाने सायकलवरुन…
मलठण (सुनिल जिते) : अष्टविनायक महामार्गावर भरधाव वेगाने वाहन चालविणे आणि ओव्हरटेक करण्याचा प्रयत्न दोन…
‘लोकतंत्र बचाव’च्या नावाखाली काँग्रेसकडून लोकशाहीबाबत संभ्रम; व्होट चोरीच्या आरोपांवर पुरावे देण्याचे शिंदेंचे आव्हान ठाणे :…
नांदेडच्या विकासकामांसाठी निधी कमी पडू देणार नाही; १०० बेडचे रुग्णालय २०० बेडचे करण्याचे निर्देश, शेतकऱ्यांना…
रिक्षाचालक ते उपमुख्यमंत्री; संघर्ष, संघटनकौशल्य, लोकसंपर्क आणि विकासाभिमुख वाटचालीचा प्रेरणादायी प्रवास मुंबई: नेतृत्व हे केवळ…
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…