सविंदणे येथे रक्तदान शिबिरात ६१ जणांचा उत्स्फूर्त सहभाग

शिरूर (अरुणकुमार मोटे): रक्तदान हेच सर्वश्रेष्ठ दान” या सामाजिक संदेशाला उजाळा देत सविंदणे (ता. शिरूर) येथील प्राथमिक आरोग्य उपकेंद्रात रविवारी (ता.३१) भव्य रक्तदान शिबिराचे आयोजन करण्यात आले होते. राष्ट्रीय ग्रामीण विकास केंद्राच्या संचालिका पूर्वाताई दिलीपराव वळसे पाटील यांच्या वाढदिवसाचे औचित्य साधून शिरूर-आंबेगाव महिला राष्ट्रवादी काँग्रेस पक्षाच्या अध्यक्षा व माजी सरपंच शुभांगी पडवळ यांच्या पुढाकारातून हे शिबिर उत्साहात पार पडले.

शिबिराचे उद्घाटन राष्ट्रवादी काँग्रेस पक्षाचे पुणे जिल्हा उपाध्यक्ष राजेंद्र गावडे व सरपंच मनीषा नरवडे यांच्या हस्ते झाले. तब्बल ६१ रक्तदात्यांनी रक्तदान करून समाजाप्रती आपली जबाबदारी पार पाडली. प्रत्येक रक्तदात्यास प्रमाणपत्र व टी-शर्ट भेट देण्यात आले. विशेष म्हणजे लकी ड्रॉ मधून खंडू कारभारी लंघे (सविंदणे) व पियुष दिलीप पोखरकर (वडगाव पीर) हे भाग्यवान रक्तदाते सायकल बक्षिसाचे मानकरी ठरले. गावातील नागरिकांच्या उत्स्फूर्त सहभागामुळे शिबिराला भव्य स्वरूप लाभले.

या कार्यक्रमाला राष्ट्रवादी काँग्रेस पक्षाचे जिल्हा उपाध्यक्ष राजेंद्र गावडे, सरपंच मनीषा नरवडे, उपसरपंच गोरक्ष लंघे, माजी सरपंच सोनाली खैरे, वसंत पडवळ, भाऊसाहेब लंघे, मोहन किठे, चेअरमन शोभा लंघे, माजी चेअरमन रामदास पडवळ, ग्राहक पंचायतीचे तालुकाध्यक्ष अरूणकुमार मोटे, बाळासाहेब भोर, बाळासाहेब लंघे, फकीरा लंघे, ग्रामपंचायत सदस्या मालुबाई मिंडे, माऊली पुंडे, पोपट पडवळ, पी.डी. नरवडे, वसंत नरवडे, चेतन पडवळ यांसह अनेक मान्यवर उपस्थित होते. वैद्यकीय अधिकारी डॉ. सौरभ ढमढेरे, आरोग्य सेवक डॉ. विनायक गोसावी व सेविका तेजवंती नैताम यांच्या मार्गदर्शनाखाली रक्तदान शिबिर यशस्वीरीत्या पार पडले. कार्यक्रमाचे सूत्रसंचालन बाळासाहेब भोर यांनी केले तर आभार दिलीप नरवडे यांनी मानले.