शिक्रापूर सणसवाडीत वाहतुकीस अडथळा निर्माण करणाऱ्यांवर गुन्हे

शिक्रापूर: शिक्रापूर (ता. शिरुर) सह सणसवाडी येथे वाहतूक कोंडी होत असल्याने सदर ठिकाणी वाहतूक नियमनाचे काम पोलीस करत असताना शिक्रापूर येथील पाबळ चौक येथे परशुराम फुले यांनी त्यांचे एम एच १४ जि पी ११८१ हा पिकअप रस्त्यामध्ये अडथळा निर्माण होईल असे लावले होते, तर सणसवाडी येथे देखील आजिनाथ गायकवाड यांनी त्यांची एम एच १४ सि यु ३२३६ हि रिक्षा विरुद्ध बाजूने चालवत आणून वाहतुकीस अडथळा निर्माण केल्याचे दिसून आले.

याबाबत शिक्रापूर पोलीस स्टेशनचे पोलीस हवालदार सहदेव सूर्याजी ठुबे व पोलीस नाईक मिलिंद दिलीप देवरे दोघे रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिल्या असल्याने शिक्रापूर पोलिसांनी परशुराम गिरीधर फुले (वय ३७) रा. मोरे वस्ती चिखली ता. हवेली जि. पुणे व आजिनाथ शामराव गायकवाड (वय २०) रा. आकुर्डी पिंपरी चिंचवड पुणे यांच्या विरुद्ध गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली शिक्रापूर पोलीस करत आहे.