स्पंदन वैद्यकीय सामाजिक संस्थेचा मृताच्या वारसासाठी अनोखा उपक्रम
शिक्रापूर: राष्ट्रीय डॉक्टर दिन साजरा करत स्पंदन वैद्यकीय सामाजिक संस्थेच्या पदाधिकाऱ्यांनी एका डॉक्टराच्या निधनानंतर त्यांच्या कुटुंबियांना मदतीचा हात पुढे करत एका मयत डॉक्टरच्या कुटुंबियांना १ लाख ५१ हजार रुपयांची मदत सुपूर्त करत सामाजिक भान जपले आहे.
शिक्रापूर (ता. शिरुर) सह पुणे नगर महामार्गावरील प्रत्येक गावामध्ये स्पंदन वैद्यकीय सामाजिक संस्थेच्या वतीने विविध सामाजिक कार्य केले जात असताना नुकताच सदर सामाजिक संस्थेच्या वतीने राष्ट्रीय डॉक्टर दिन साजरा करण्यात आला. यावेळी काही दिवसांपूर्वी डॉ. कमलाकर शिंदे यांचे निधन झाल्याने त्यांच्या कुटुंबियांना मदत करण्याचा निर्णय सदर संस्थेने घेत नुकताच दिवंगत डॉ. कमलाकर शिंदे यांच्या कुटुंबियांना एक लाख एक्कावन्न हजार रुपयांचा धनादेश देण्यात आला.
यावेळी स्पंदन वैद्यकीय सामाजिक संस्थेचे अध्यक्ष डॉ. शरद लांडगे, उपाध्यक्ष डॉ. रामदास देवखिळे, सचिव डॉ. श्रीअनंता परदेशी, खजिनदार डॉ. गणेश भोसले, डॉ. ज्योती खडे, डॉ. भगवान पवार, डॉ. दिनेश भोर, डॉ. हिरामण तूरकुंडे, नितीन शिंगाडे यांसह आदी उपस्थित होते, तर डॉक्टर दिनाच्या निमित्ताने आयोजित कार्यक्रमात दिवंगत डॉ. कमलाकर शिंदे यांना श्रद्धांजली अर्पण करत प्रसिद्ध हृदयरोग तज्ञ डॉ. प्रिया पालीमकर व डॉ. आनंद पालीमकर यांच्या हस्ते ज्येष्ठ डॉ. एल. के. कदम यांना स्पंदन भूषण पुरस्कार देऊन गौरविण्यात आले. तर यापुढील काळात देखील सामाजिक कामे केली जाणार असल्याचे स्पंदन वैद्यकीय सामाजिक संस्थेचे अध्यक्ष डॉ. शरद लांडगे यांनी सांगितले.
पाणी केवळ तहान भागवत नाही तर, शरीराला अनेक व्हिटॅमिन्स आणि मिनरल्स प्रधान करते. त्वचा, डोळे,…
बरेच लोक इतर आजारांच्या तुलनेत हाय ब्लड प्रेशरला फार गंभीरतेने घेत नाहीत. ही एक सामान्य…
शिरूर (अरुणकुमार मोटे): शिरूर शहरातील मारुती आळी, सरदार पेठ तसेच रामलिंग रोड परिसरात गेल्या काही…
मुंबई: राष्ट्रवादी काँग्रेसचे प्रदेशाध्यक्ष खासदार सुनिल तटकरे यांनी बारामतीतील मतदारांचे आभार मानत विक्रमी मतदानाबद्दल मानाचा…
कोलकाता: पश्चिम बंगाल विधानसभा निवडणुकीची मतमोजणी सुरू असताना मुख्यमंत्री Mamata Banerjee यांनी पहिली प्रतिक्रिया देत…
मुंबई : भोर तालुक्यातील नसरापूर येथे चिमुकलीवर अत्याचार करून तिची हत्या करणाऱ्या आरोपीला कठोरात कठोर…