शिक्रापूर (शेरखान शेख): सणसवाडी (ता. शिरुर) सह परिसरात वारंवार दुचाकी चोरीच्या घटना घडत असताना आता चक्क येथील एका इसमाची चारचाकी कार चोरीला गेल्याची घटना घडली असल्याने परिसरात खळबळ उडाली असून शिक्रापूर पोलीस स्टेशन येथे अज्ञात व्यक्तीवर गुन्हे दाखल करण्यात आले आहे.
सणसवाडी (ता. शिरुर) येथील श्रीनिवास दरेकर यांनी त्यांची एम एच १२ आर टी ७१०२ हि इको कार रात्रीच्या सुमारास त्यांच्या दुकानातील मुलगा अक्षय पवार याच्या घरासमोर लावून कार लॉक करुन घरी गेले होते. दुसऱ्या दिवशी सकाळच्या सुमारास अक्षय उठला असता त्याला घरासमोर लावलेली कार दिसली नाही. त्यामुळे अक्षयने श्रीनिवास दरेकर यांना फोन करुन माहिती दिली. त्यानंतर दरेकर सदर ठिकाणी आले असता त्यांनी आजूबाजूला सर्वत्र पाहणी केली तसेच शेजारील सीसीटीव्हीची तपासणी केली असता रात्री अडीच वाजण्याच्या सुमारास अज्ञात व्यक्तीने दरेकर यांची कार चोरुन नेल्याचे निदर्शनास आले.
याबाबत श्रीनिवास एकनाथ दरेकर (वय ४०) रा. सणसवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस नाईक कृष्णा व्यवहारे हे करत आहे.
मुंबई: लोकशाहीमध्ये कोणत्याही नेत्याची खरी ओळख सत्ता किंवा पदावरून नव्हे, तर जनतेच्या विश्वासावरून ठरते. हा…
सार्वजनिक मालमत्तेचे १ लाख ३१ हजार ७५० रुपयांचे नुकसान; एकाविरुद्ध शिरूर पोलिस ठाण्यात गुन्हा शिरुर…
बोगस विद्यार्थी, बनावट शिक्षक मंजुरी, कोरे धनादेश आणि स्टॅम्प पेपर जप्त; मालेगाव-पुण्यापर्यंत तपासाचे धागेदोरे परभणी:…
मुंबई: राज्यात दुधातील भेसळीच्या वाढत्या प्रकारांमुळे नागरिकांच्या आरोग्याचा प्रश्न गंभीर बनला आहे. अन्न व औषध…
मुंबई: भारत आणि युनायटेड किंगडम (यूके) यांच्यातील व्यापक आर्थिक व व्यापार करार (FTA) अंमलात आल्याने…
छत्रपती संभाजीनगर : 'सेफ फूड – सेफ महाराष्ट्र' मोहिमेअंतर्गत अन्न व औषध प्रशासन (FDA) ने…