शिरुर (अरुणकुमार मोटे) शाळेतील चिमुकल्या विद्यार्थ्यांना अनेक गोष्टींचे कुतूहल असते व त्यातुनच त्यांच्या जिज्ञासू वृत्तीची वाढ होत असते. जोपर्यंत त्यांच्या प्रश्नांची समाधानकारक उत्तर मिळत नाहीत. तोपर्यंत ते स्वस्थ बसत नाहीत. अशाच चिमुकल्यांचे विज्ञान विषयातील कुतूहल ओळखून व वैज्ञानिक गमतीजमती त्यांना कळाव्यात म्हणुन शिरुर येथील विद्याधाम प्राथमिक शाळेतील इयत्ता ४ थी च्या विद्यार्थ्यांना विद्याधाम प्रशाला शिरुर येथील प्रयोग शाळेला भेट देण्याचा उपक्रम मुख्याध्यापिका ज्योती मुळे यांच्या मार्गदर्शनाखाली वर्गशिक्षिकांनी राबवला.
या क्षेत्रभेटीतुन विद्यार्थ्यांमध्ये वैज्ञानिक दृष्टिकोन व चिकित्सक वृत्ती जागृत व्हावी हा उद्देश साध्य करण्याचा प्रयत्न शाळेने केला आहे. विद्याधाम सायन्स कॉलेजचे प्रा. कृष्णा फराटे यांनी रसायनशास्त्राच्या प्रयोगशाळेमध्ये विविध रंग कसे तयार होतात हे दाखवताना रक्त तयार करुन दाखवल्यावर विद्यार्थी आवाकच झाले. प्रा. रविंद्र मांढरे यांनी निसर्गामध्ये वेगवेगळे प्राणी असतात. त्या प्राण्यांची माहिती लॅबमध्ये सांगितली. तसेच विद्यार्थ्यांना सुक्ष्मदर्शक दाखवले आणि विविध प्रयोगांच्या माध्यमातुन विद्यार्थ्यांना वैज्ञानिक संकल्पना स्पष्ट करुन मार्गदर्शन केले.
या क्षेत्रभेटीत इयत्ता चौथीच्या एकूण २६४ विद्यार्थ्यांनी सहभाग घेतला. अनेक विद्यार्थांनी उत्सुकतेने शिक्षकांना विविध प्रश्न विचारले. त्यामुळे विद्यार्थ्यांमध्ये वैज्ञानिक दृष्टिकोन जागृत झाला. यावेळी विद्यार्थ्यांनी मानवी सांगाड्याची रचना अनुभवली. विविध उपकरणे हाताळून पाहिली. शिक्षकांनीही सुक्ष्मदर्शकाची माहिती विद्यार्थ्यांना दिली. त्यामुळे विद्यार्थ्यांनी विविध प्रात्यक्षिके स्वतः करुन पाहिली.
यावेळी विद्याधाम प्रशालेचे मुख्याध्यापक गुरुदत्त पाचर्णे यांनी प्रयोगशाळेला भेट देण्यासाठी बहुमोल सहकार्य केले. तसेच विद्याधाम प्राथमिक शाळेच्या मुख्याध्यापिका ज्योती मुळे यांनी या क्षेत्रभेटीचे आयोजन करण्यासाठीचे मार्गदर्शन केले. इयत्ता ४थी च्या वर्गशिक्षिका रोहिणी औटी, भारती दाभाडे, सोनाली गोरे, अर्चना घोगरे, सोनाली घेगडे, जयश्री पाचर्णे, साधना इंगळे या सर्व शिक्षिकांनी या क्षेत्रभेटीचे उत्कृष्ट आयोजन केले.
सध्याची पिढी अत्यंत चाणाक्ष व हुशार असुन शालेय विद्यार्थ्यांना बाल वयातच विज्ञानाची आवड निर्माण होऊन त्यांच्यात वैज्ञानिक दृष्टीकोन रुजावा आणि हे असेच का…? तसेच का…? या प्रश्नांची उकल होण्यासाठी ही प्रयोगशाळेला दिलेली क्षेत्रभेट अत्यंत महत्वाची ठरणार आहे .
ज्योती मुळे
मुख्याध्यापिका
शिरुर तालुका कुस्ती स्पर्धेत मांडवगण फराटा येथील श्री वाघेश्वर विद्याधाम शाळेचे निर्विवाद वर्चस्व
मांडवगण फराटा येथील श्री वाघेश्वर विद्याधाम योगासन स्पर्धेत घवघवीत यश
शिक्रापूरच्या विद्याधामच्या अठरा विद्यार्थ्यांना शिष्यवृत्ती
पिंपरी-चिंचवड : पुणे आणि पिंपरी-चिंचवड परिसरात गणेशोत्सवातील डीजेवरून जोरदार चर्चा सुरू असतानाच, जुन्या सांगवी परिसरातून…
आंबेगाव : आयुष्याची तब्बल ८० वर्षे धार्मिक संप्रदायात व्यतीत केलेल्या रामदास खंडुजी शिंदे यांच्या निधनानंतर…
सोलापूर : जिल्ह्यात पावसाने ओढ दिल्याने पिके जगवण्यासाठी शेतकऱ्यांची धडपड सुरू असतानाच कृषीपंपांचा वीजपुरवठा अचानक…
धाराशिव : राष्ट्रीय स्तरावर महाराष्ट्राचे प्रतिनिधित्व करणाऱ्या आणि ‘महाराष्ट्राची वाघीण’ म्हणून ओळखल्या जाणाऱ्या महिला कुस्तीपटू…
लोकशाहीमध्ये प्रश्न विचारणे हा गुन्हा नाही. अभिव्यक्तिस्वातंत्र्य हा संविधानाने दिलेला अधिकार आहे आणि कायदा सर्वांसाठी…
पुणे: शिक्षक हे आपल्या भविष्याचे खरे शिल्पकार आहेत. त्यांच्या समर्पित कार्याचा गौरव आणि विद्यार्थ्यांच्या गुणवत्तेला…