राष्ट्रीय शिष्यवृत्तीस दोन व सारथीसाठी सोळा विद्यार्थी लाभार्थी
शिक्रापूर (शेरखान शेख): शिक्रापूर (ता. शिरुर) येथील विद्याधाम प्रशालेतील विद्यार्थ्यांनी शिष्यवृत्ती परीक्षेत यश संपादित केले असून राष्ट्रीय शिष्यवृत्ती परीक्षेत दोन तर सारथी शिष्यवृत्ती परीक्षेत सोळा विद्यार्थी पात्र ठरलेले असताना यापैकी राष्ट्रीय शिष्यवृत्तीतील विद्यार्थ्यांना 5 वर्षे दरवर्षी 12 हजार तर सारथी शिष्यवृत्तीतील विद्यार्थ्यांना 4 वर्षे दरवर्षी 9 हजार 600 रुपये शिष्यवृत्ती मिळणार असल्याची माहिती प्राचार्य सोनबापू गद्रे यांनी दिली आहे.
शिक्रापूर (ता. शिरुर) येथील विद्याधाम प्रशालेतील विद्यार्थ्यांनी केंद्र सरकारच्या वतीने घेण्यात येणाऱ्या राष्ट्रीय आर्थिक दुर्बल घटक शिष्यवृत्ती परीक्षेत अभूतपूर्व यश संपादन केले असून राष्ट्रीय शिष्यवृत्ती परीक्षेत शंतनू खंडागळे व सेजल अहिर या विद्यार्थ्यांनी यश मिळवले असून सर्व विद्यार्थ्यांना 5 वर्षे प्रत्येक 12 हजार रुपये शिष्यवृत्ती मिळणार आहे तर सारथी शिष्यवृत्ती परीक्षेत यश मिळवलेल्या अनुजा खपले, ज्ञानेश्वरी डफळ, श्रेयल मांढरे, ओंकार भापकर, श्वेता सोरगेकर, साहिल शिंदे, श्रद्धा देशमुख, श्रेया देशमुख, स्वप्नील केरले, हर्षदा पाटील, तेजस चेडे, संजली वाळूंज, ईश्वरी धुमाळ, ईश्वरी दरेकर, कृष्णा जंगले, प्रज्ञा ढगे या विद्यार्थ्यांना 4 वर्षे प्रत्येक वर्षी 9 हजार 600 रुपये शिष्यवृत्ती मिळणार असून सर्व विद्यार्थी व मार्गदर्शक शिक्षकांचे शिक्षण प्रसारक मंडळाचे अध्यक्ष अनिल बोरा, सचिव नंदकुमार निकम, शाळा समितीचे अध्यक्ष प्रकाश बोरा, शाळा व्यवस्थापन समितीचे अध्यक्ष सुनील मांढरे, प्राचार्य सोनबापू गद्रे, उप प्राचार्य सुनील थोरात, पर्यवेक्षक सुनील शेळके यांनी अभिनंदन केले आहे.
