मानव विकास परीषदेच्या युवक उपाध्यक्षपदी विजय थोरात यांची निवड

शिरूर (किरण पिंगळे): वाघाळे (ता. शिरूर) येथील विजय अशोक थोरात यांची मानव विकास परिषदेच्या शिरुर तालुका युवक उपाध्यक्षपदी निवड करण्यात आली आहे. नुकतेच त्यांना या निवडीचे पत्र देण्यात आले. एक वर्षासाठी हि निवड असणार आहे.

मानवी हक्कासाठी ही संस्था प्रयत्नशील असून, सामान्य जनतेच्या न्याय हक्कासाठी संपूर्ण राज्यात हि संस्था काम करत आहे. समाज्यातील भांडवलशाहीकडून पैशाच्या व सत्तेच्या जोरावर शासकीय आधिकाराचा गैरवापर करत शोषित आणि श्रमिक तसेच मागसवर्गीयांवर होणारा अन्याय त्याचप्रमाणे सरकारी कार्यालयात होणारी पिळवणूक, मानवी हक्कांचे होत असलेले उल्लंघन याबाबत समाज्यातील पीडित लोकांना न्याय देण्यासाठी मानव विकास परीषद हि संस्था काम करत आहे.

शिरूर तालुक्यातील युवकांचे संघटन करणार आहे. शिवाय, शिरूर तालुक्यातील अनेक प्रश्न सोडवून संस्थेसाठी काम करणार आहे, असे विजय थोरात यांनी निवडीनंतर सांगितले. शिरूर तालुक्यातून त्यांच्यावर अभिनंदनाचा वर्षाव होत आहे.