शिरुर (किरण पिंगळे-शेलार) शिरुर येथील नवीन एस टी आगारात महिला प्रसाधान गृहाची मोठया प्रमाणात दुरावस्था झालेलीअसल्याबाबत अनेक महिला प्रवाशांनी रामलिंग महिला उन्नती बहुउद्देशीय सामाजिक संस्थेकडे तक्रारी केल्या होत्या. त्या महिलांच्या तक्रारीच्या अनुषंगाने संस्थेच्या अध्यक्षा राणी कर्डिले यांनी स्वतः शिरुर येथील एस टी आगारातील महिलांसाठी प्रसाधनगृह येथे पाहणी केली असता. तिथे मोठया प्रमाणात अस्वच्छता आढळून आल्याने रामलिंग महिला ऊन्नतीच्या वतीने याबाबत आवाज उठवत निवेदन देण्यात आले.
शिरुर येथील एस टी आगारातील महिलांच्या प्रसाधानगृहात मोठया प्रमाणात गुटका खाऊन थुंकलेल्या लाल रंगाच्या अस्वच्छ भिंती, अनेक प्रसाधन गृहाला कुलूप लावलेले, तुटलेल्या खिडक्या तर एका प्रसाधनगृह मध्ये सर्व कचरा टाकलेला आढळून आला. तसेच सर्वत्र अस्वच्छता असल्याचेही दिसून आले. त्यामुळे महिलांचे आरोग्य धोक्यात आल्याशिवाय राहणार नाही.
तसेच एस टी आगारात स्वच्छतागृह वापरण्याचे दर 5 रु, स्नानगृह 7 रु असा फलकही तिथे दिसुन आला. एकीकडे भारतीय कायद्याच्या 1867 च्या कलम 7/2 नुसार महिलांना पेट्रोलपंप, हॉटेल, बसस्थानक याठिकाणी प्रसाधन गृहाचा मोफत वापरण्याचा अधिकार दिला असुनही काही ठिकाणी याची अंमबजावणी झालेली दिसून येते. तर काही ठिकाणी महिलांकडून 5 रु घेतले जातात. हा सर्व गैरप्रकार थांबवावा तसेच महिलांच्या प्रसाधनगृहाची स्वच्छता नियमित करण्यात यावी. महिलांसाठी मोफत सुविधेचा फलक प्रसाधनगृहा बाहेर लावण्यात यावा असे निवेदन रामलिंग महिला उन्नती सामाजिक संस्थेच्या वतीने एस टी आगाराच्या अधिकाऱ्यांना देण्यात आले.
तसेच निवेदन देऊनही महिलांच्या प्रसाधन गृहाची स्वच्छता न झाल्यास रामलिंग महिला उन्नतीच्या वतीने एस टी बसस्थानकावर आंदोलन करु असा इशाराही देण्यात आला आहे. हे निवेदन शिरुर बसस्थानक येथील महाराष्ट्र राज्य मार्ग परिवहन महामंडळाचे उत्तम गायकवाड यांना देण्यात आले. यावेळी संस्थेच्या अध्यक्षा राणी कर्डिले, गीता आढाव, दिपाली आंबरे,डॉ वैशाली साखरे, रुपाली बोर्डे, पल्लवी चाबुकस्वार, पल्लवी जगताप आदी महिला उपस्थित होत्या.
तसेच शिरुर येथील एस टी आगारातील महिला प्रसाधन गृहात कोणत्याही शाळेतील युवती अथवा प्रवासी महिला यांना कोणीही पैसे मागितले तर 8329044177 या नंबर वर कॉल करा असे आवाहन राणी कर्डीले यांनी केले आहे.
रामलिंग महिला उन्नती आणि रामलिंग महिला पतसंस्था यांच्या संयुक्त विद्यमाने हळदीकुंकू समारंभ
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…