शिरुर तालुक्यात हॉटेल चालक महिलेचा फोनवर विनयभंग

शिक्रापूर (शेरखान शेख): शिक्रापूर (ता. शिरुर) येथील पाबळ चौक परिसरातील हॉटेल चालक महिलेला वारंवार फोन करुन फोनवर विनयभंग केल्याची घटना घडली असल्याने शिक्रापूर पोलीस स्टेशन येथे बाबू मंडलिक व प्रवीण मंडलिक या दोघांवर गुन्हे दाखल करण्यात आले आहे.

शिक्रापूर (ता. शिरुर) येथील पाबळ चौक परिसरातील हॉटेल चालक महिलेच्या हॉटेल वर जेवण करण्यासाठी येत असल्याने बाबू व प्रवीण यांची महिलेशी ओळख झाली होती. काही दिवसांपूर्वी दोन्ही युवक हॉटेल मध्ये येण्याचे बंद झाले मात्र 23 मार्च रोजी दोघा युवकांनी त्यांच्या मोबाईल वरून महिलेला वारंवार फोन करुन महिलेशी जवळीक साधण्याचा प्रयत्न करत महिलेशी अश्लील शब्दात बोलत महिलेच्या मनास लज्जा उत्पन्न होईल असे वर्तन केले.

याबाबत महिलेने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी बाबू मंडलिक व प्रवीण मंडलिक दोघे रा. जुन्नर ता. जुन्नर जि. पुणे या दोघांवर विनयभंग प्रकरणी गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली महिला पोलीस हवालदार उज्वला गायकवाड करत आहे.