महिलेस मारहाण, पतीसह सासु सासऱ्यांवर गुन्हा दाखल

शिरुर (अरुणकुमार मोटे): मलठण (ता. शिरुर) येथील स्वाती प्रदिप थोरात या महिलेने तिचा पती प्रदिप गुलाब थोरात याला तुम्ही काही कामधंदा करत नाही रोजच दारु पिउन शिवीगाळ करताय. असे म्हणाल्याच्या कारणावरुन सदर महिलेला तिच्या सासु, सासऱ्याने व नवऱ्याने काठीने मारहाण करुन जखमी केले आहे. या महिलेची मुलगी ही मारामारी सोडवण्यासाठी मध्ये आली असता तिलाही काठीने मारहाण केली आहे.

याबाबत स्वाती प्रदिप थोरात (वय 40 )व्यवसाय अंगणवाडी सेविका रा. मलठण, थोरातवस्ती हीने आरोपी पती प्रदिप गुलाब थोरात, सासू सिंधुबाई गुलाब थोरात, सासरे गुलाब बाळाजी थोरात सर्व रा .मलठण, थोरातवस्ती (ता. शिरुर), जि. पुणे यांच्या विरोधात शिरुर पोलिस स्टेशन येथे गुन्हा दाखल केला केला.

याबाबत सविस्तर हकिगत अशी की, (दि.१८) रोजी रात्री ७:३० वा. चे सुमारास मौजे मलठण थोरातवस्ती (ता. शिरुर) जि. पुणे येथे राहते घरी फिर्यादी महीला घरात झाडु मारत असतांना पती प्रदिप गुलाब थोरात हे फिर्यादी व तिची मुलगी सिद्धी हिस शिवीगाळ करत होते म्हणुन या महिलेने त्यांना तुम्ही काही कामधंदा करत नाही रोजच दारु पिउन शिवीगाळ करताय असे म्हणालेचे कारणावरुन सासु सिंधुबाई गुलाब थोरात, सासरे गुलाब बाळाजी थोरात यांनी फिर्यादीला हाताने धरले व पती प्रदिप यांनी काठीने उजवे हातावर मारहाण करुन जखमी केले आहे. तिची मुलगी सिद्धी ही सोडविण्यासाठी मध्ये आली असता तिलाही काठीने हाताने मारहाण केली आहे. पुढील तपास टाकळी हाजी औटपोस्टचे पोलिस हवालदार अनिल आगलावे हे करत आहे.