लातूर: लातूर शहरातील श्यामनगर परिसरात माणुसकीला काळिमा फासणारी धक्कादायक घटना घडली आहे. पती घरी उशिरा परतल्याच्या रागातून एका आईने आपल्या दीड वर्षांच्या चिमुरडीची निर्दयीपणे हत्या केल्याने संपूर्ण लातूर शहर हादरले आहे.
अश्विनी चौगुले (वय अंदाजे २५) असे आरोपी महिलेचे नाव असून, तिने नंदिनी नावाच्या आपल्या १८ महिन्यांच्या मुलीवर चाकूने सपासप वार करत तिचा जीव घेतला. या घटनेने परिसरात एकच खळबळ उडाली असून, समाजातून तीव्र संताप व्यक्त होत आहे.
१७ वेळा चाकूने वार; घटनास्थळीच मृत्यू
ही भीषण घटना १९ जानेवारी रोजी सकाळी घडली. घरातील कौटुंबिक वादानंतर रागाच्या भरात अश्विनीने आपल्या चिमुरडीवर तब्बल १७ वेळा चाकूने वार केल्याचे पोलिस तपासात समोर आले आहे. इतकेच नव्हे तर मुलीच्या तोंडातही चाकू खुपसण्यात आल्याचे उघड झाले असून, या अमानुष हल्ल्यात नंदिनीचा जागीच मृत्यू झाला.
चार वर्षांच्या भावासमोरच बहिणीची हत्या
या घटनेचा सर्वात धक्कादायक भाग म्हणजे आरोपी महिलेचा चार वर्षांचा मुलगा राजवीर याने हे संपूर्ण दृश्य आपल्या डोळ्यांसमोर पाहिले. आईकडूनच लहान बहिणीची हत्या होताना पाहिल्याने त्या बालमनावर खोल आघात झाला आहे.
मानसिकदृष्ट्या सक्षम; न्यायालयीन कोठडी सुनावली
या प्रकरणात पोलिसांनी अश्विनी चौगुले हिला तात्काळ अटक करून मंगळवारी न्यायालयात हजर केले. तिच्या मानसिक स्थितीची तपासणी करण्यासाठी तिला सुमारे ३० तास मानसोपचार तज्ज्ञांच्या निरीक्षणाखाली ठेवण्यात आले होते. वैद्यकीय अहवालानुसार आरोपी महिला मानसिकदृष्ट्या पूर्णपणे सक्षम असल्याचे स्पष्ट झाले आहे.
मानसिक आजारामुळे नव्हे, तर केवळ रागाच्या भरात तिने हे कृत्य केल्याचे निष्पन्न झाल्याने न्यायालयाने तिला न्यायालयीन कोठडी सुनावली आहे.
उदरनिर्वाहासाठी लातूरमध्ये स्थलांतर
चौगुले कुटुंब मूळचे हासेगाव येथील असून रोजगाराच्या शोधात ते लातूरमध्ये आले होते. कुटुंबप्रमुख विक्रम चौगुले हे उसाच्या ट्रॅक्टरवर काम करून कुटुंबाचा उदरनिर्वाह करत होते. विक्रम घरी परतले असता घराचा उंबरठा रक्ताने माखलेला आणि मुलगी मृतावस्थेत पडलेली असल्याचे दृश्य पाहून ते हादरून गेले.
पोलिस तपास सुरू; कठोर कारवाईची मागणी
या हृदयद्रावक घटनेने संपूर्ण लातूर जिल्ह्यात शोककळा पसरली असून, आरोपी महिलेविरुद्ध कठोरात कठोर कारवाई करण्याची मागणी होत आहे. पोलिसांकडून पुढील तपास सुरू असून, बाल संरक्षण यंत्रणाही या प्रकरणात लक्ष घालत आहे.
शिरुर (तेजस फडके) एका वृद्ध व्यक्तीची हरवलेली बॅग तत्परतेने शोधून अवघ्या एका तासात संबंधित व्यक्तीच्या…
पुणे : काँग्रेसचे दिवंगत नेते आणि महाराष्ट्राचे माजी मुख्यमंत्री विलासराव देशमुख हे देवेंद्र फडणवीस यांच्याइतकेच…
शिक्रापूर : शिक्रापूर (ता. शिरूर) येथील पत्रकार, सामाजिक कार्यकर्ते व प्राणीमित्र शेरखान शेख यांनी त्यांच्या…
शिरूर : शिरूर तालुक्यातील टाकळी भीमा हद्दीतील भीमा नदीच्या पात्रात थरारक गुन्ह्याची उकल करणारी घटना…
आजकाल लोक फिटनेस आणि स्नायूंची ताकद वाढवण्यासाठी अनेकदा अंडी आणि चिकनचे सेवन करतात, परंतु त्याऐवजी…
जसजसं तापमान वाढत जातं आरोग्यासंबंधी वेगवेगळ्या समस्या डोकं वर काढणं सुरू करतात. कमजोरी, थकवा, डिहायड्रेशन,…