राज हॉटेलशेजारील ‘शिवराज मोबाईल रिपेअरिंग’ दुकानाचे पत्रे उचकटून चोरी; अज्ञात चोरट्याविरोधात गुन्हा
शिक्रापूर (अक्षय टेमगिरे) : शिक्रापूर येथील राज हॉटेलशेजारी असलेल्या शिवराज मोबाईल रिपेअरिंग दुकानाचे पत्रे उचकटून अज्ञात चोरट्याने रिपेअरिंगसाठी आलेले मोबाईल फोन व पॉवर बँक असा एकूण १७ हजार ६०० रुपयांचा ऐवज चोरून नेल्याची घटना उघडकीस आली आहे. याप्रकरणी शिक्रापूर पोलीस ठाण्यात अज्ञात चोरट्याविरोधात गुन्हा दाखल करण्यात आला आहे.
याबाबत दुकानमालक संतोष विश्वनाथ सानप (वय ३५, रा. शिक्रापूर, ता. शिरूर, जि. पुणे) यांनी फिर्याद दिली आहे. पोलिसांनी दिलेल्या माहितीनुसार, सानप यांचे पुणे-नगर महामार्गालगत राज हॉटेलजवळ शिवराज मोबाईल रिपेअरिंग नावाचे दुकान आहे. २३ जुलै रोजी रात्री दुकान बंद करून ते घरी गेले. दुसऱ्या दिवशी सकाळी दुकान उघडल्यानंतर रिपेअरिंगसाठी आलेले चार मोबाईल फोन आणि चार पॉवर बँक जागेवर नसल्याचे त्यांच्या निदर्शनास आले.
तपासणी केली असता दुकानाचा समोरील पत्रा उचकटून अज्ञात चोरट्याने आत प्रवेश करून चोरी केल्याचे स्पष्ट झाले. चोरीस गेलेल्या ऐवजात वनप्लस नॉर्ड सी-२, विवो टी-३, टेक्नो आणि सॅमसंग गॅलेक्सी कंपनीचे मोबाईल तसेच चार पॉवर बँकांचा समावेश असून, एकूण १७ हजार ६०० रुपयांचा मुद्देमाल लंपास करण्यात आला आहे.या प्रकरणाचा पुढील तपास पोलीस हवालदार कर्पे करीत आहेत.
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…