पुणे : पुणे-अहमदनगर महामार्गावर झालेल्या विचित्र अपघातात दोघांना आपले प्राण गमवावे लागले आहेत. तर दोनजण गंभीर जखमी झाले आहेत. कोरेगाव भीमा येथील वाडा पुनर्वसन येथे स्विफ्ट कार आणि दुचाकीचा अपघात झाला. यामध्ये एकाचा मृत्यू झाला. त्यानंतर अपघाताची माहिती मिळताच जखमींच्या मदतीसाठी निघालेल्या रुग्णवाहिकेला अपघात झाला. यामध्ये आणखी एका युवकाचा मृत्यू झाला आहे.
स्विफ्ट कार आणि दुचाकी यांच्यात झालेल्या अपघातात महेश गव्हाणे या युवकाचा जागीच मृत्यू झाला. अपघाताची माहिती मिळताच रुग्णवाहिका अपघातस्थळाकडे निघाली. सणसवाडी गावच्या हद्दीत कल्पेश वनज फाट्याजवळ रुग्णवाहिकेचे चालक वैभव डोईफोडे यांचे गाडीवरील नियंत्रण सुटले. त्यामुळे रुग्णवाहिकेची धडक दुचाकीला बसली. यामध्ये श्रीकांत सुर्यकांत उबाळे यांचा मृत्यू झाला. तर रुग्णवाहिका चालकासह त्याच्या शेजारी बसलेले अक्षय रविंद्र बनसोडे हे जखमी झाले आहेत.
महामार्गावर झालेल्या दुहेरी अपघातामुळे काही काळ वाहतूक कोंडी झाली होती. पोलिसांनी घटनास्थळी धाव घेत अपघातग्रस्त वाहने बाजूला करुन वाहतूक सुरळीत केली. दरम्यान, पुणे-नगर महामार्गावर अपघातांचे प्रमाण दिवसेंदिवस वाढत चालले आहे.
शिरुर (तेजस फडके): न्हावरे (ता. शिरुर) येथील शेंडगेवस्ती परिसरात एका २३ वर्षीय विवाहित महिलेला फोनवर…
मुंबई: लोकशाहीमध्ये कोणत्याही नेत्याची खरी ओळख सत्ता किंवा पदावरून नव्हे, तर जनतेच्या विश्वासावरून ठरते. हा…
सार्वजनिक मालमत्तेचे १ लाख ३१ हजार ७५० रुपयांचे नुकसान; एकाविरुद्ध शिरूर पोलिस ठाण्यात गुन्हा शिरुर…
बोगस विद्यार्थी, बनावट शिक्षक मंजुरी, कोरे धनादेश आणि स्टॅम्प पेपर जप्त; मालेगाव-पुण्यापर्यंत तपासाचे धागेदोरे परभणी:…
मुंबई: राज्यात दुधातील भेसळीच्या वाढत्या प्रकारांमुळे नागरिकांच्या आरोग्याचा प्रश्न गंभीर बनला आहे. अन्न व औषध…
मुंबई: भारत आणि युनायटेड किंगडम (यूके) यांच्यातील व्यापक आर्थिक व व्यापार करार (FTA) अंमलात आल्याने…