Shikrapur Police Station
शिक्रापूर : तळेगाव ढमढेरे (ता. शिरूर) येथे पत्नीच्या डोक्यात लोखंडी हातोडीने प्रहार करत पत्नीचा खून केल्यानंतर नवरा स्वतः पोलीस ठाण्यात हजर झाल्याची घटना घडली आहे. सविता मनोहर कांबळे (वय ३८ वर्षे सध्या रा.आरंभ सोसायटी तळेगाव ढमढेरे ता. शिरुर जि. पुणे, मूळ रा. शिरसो श्रीरामनगर ता. मूर्तिजापूर जि.अकोला) असे खून झालेल्या महिलेचे नाव आहे. मनोहर नागोराव कांबळे असे पोलिसांनी ताब्यात घेतलेल्या आरोपीचे नाव आहे.
शिक्रापूर पोलीस स्टेशनचे ठाणे अंमलदार पोलीस हवालदार अमोल चव्हाण, पोलीस शिपाई मच्छिंद्र निचित, नागेश वाघमारे हे पहाटेच्या सुमारास कर्तव्यावर हजर असताना अचानक एक व्यक्ती पोलीस स्टेशनमध्ये आला. त्याने मी माझ्या बायकोचा खून केला असल्याचे सांगितले. पोलिसांनी त्याला ताब्यात घेऊन त्याच्या तळेगाव ढमढेरे येथील घरी घेऊन पाहणी करण्यासाठी गेले. घराला बाहेरुन कडी होती. पोलिसांनी कडी उघडून आतमध्ये पाहणी केली. त्यावेळी सदर व्यक्तीची पत्नी सविता कांबळे घरात रक्ताच्या थारोळ्यात पडली होती. शेजारीच लोखंडी हातोडी पडल्याचे पोलिसांना दिसून आले. त्यांनी तातडीने नागरिकांच्या मदतीने सविता कांबळे यांना उपचारासाठी रुग्णालयात दाखल केले. मात्र सविता मनोहर कांबळे या महिलेचा मृत्यू झाल्याचे घोषित केले.
पोलीस निरीक्षक दिपरतन गायकवाड, पोलीस उपनिरीक्षक महेश डोंगरे, पोलीस हवालदार चंद्रकांत काळे, प्रतीक जगताप यांनी घटनास्थळी जाऊन पाहणी करत पंचनामा केला आहे. घडलेल्या प्रकाराबाबत राजेश मनोहर कांबळे (वय १९ वर्षे सध्या रा. आरंभ सोसायटी तळेगाव ढमढेरे ता. शिरुर जि. पुणे) याने शिक्रापूर पोलीस स्टेशन येथे फिर्याद दिल्याने पोलिसांनी मनोहर नागोराव कांबळे (वय ५३ वर्षे सध्या रा.आरंभ सोसायटी तळेगाव ढमढेरे ता.शिरुर जि.पुणे,मूळ रा.शिरसो श्रीरामनगर ता.मूर्तिजापूर जि.अकोला) याच्या विरुद्ध गुन्हा दाखल करत त्याला अटक केली आहे. पुढील तपास पोलीस उपनिरीक्षक महेश डोंगरे व प्रतीक जगताप हे करत आहेत.
Video: शिरूर तालुक्यात भीषण अपघातात चिमुकल्याचा मृत्यू तर तिघे जखमी…
शिरूर तालुक्यात तरुणाची धारदार शस्त्राने हत्या; दोन आरोपी ताब्यात
शिरूर! तुझा ट्रॅक्टर चोरला आहे, तुला काय करायचे ते कर…
शिरूर ड्रग्ज प्रकरण! पोलिस हवालदार गुजर व शिंदे बंधूंचे काळ्या धंद्याचे जाळे होणार उघड…
शिरूर तालुक्यात ‘तुला संपवतो, स्लॅबखाली टाकून देतो’, असे म्हणत गजाने केला हल्ला…
बारामती: राज्याचे दिवंगत उपमुख्यमंत्री अजितदादा पवार यांच्या सार्वजनिक आणि राजकीय कार्याचा गौरव करत महाराष्ट्र विधानपरिषद…
मुंबई: राज्य शासनाने २०४७ पर्यंत ३०० कोटी वृक्ष लागवडीचे महत्त्वाकांक्षी उद्दिष्ट निश्चित केले असून, यंदाच्या…
शिक्रापुर (अक्षय टेमगिरे): शिरुर तालुक्यातील पिंपळे जगताप येथील पाषाण तलावात एका अनोळखी तरुणाचा मृतदेह आढळून…
ईशान्य भारतातील भाषांमध्ये रामायण, गीता, हनुमान चालीसाचे प्रकाशन; पवित्र ग्रंथांच्या मोफत वितरणाचा खर्च उचलण्याची शिंदेंची…
मुंबई: काँग्रेस प्रदेशाध्यक्ष हर्षवर्धन सपकाळ यांनी शुक्रवारी पत्रकार परिषदेत केंद्र सरकार, भाजप आणि राष्ट्रीय स्वयंसेवक…
बारामती : अमृत भारत स्टेशन योजनेअंतर्गत देशातील ७५ आणि महाराष्ट्रातील बारामती व नांदुरा या दोन…