पुणे: पुणे जिल्ह्यातील मावळ तालुक्यातून एक धक्कादायक आणि मन सुन्न करणारी घटना समोर आली आहे. गॅस सिलेंडरची वाहतूक करणाऱ्या टेम्पोखाली सापडून ११ वर्षांच्या चिमुरडीचा दुर्दैवी मृत्यू झाला. या घटनेमुळे परिसरात शोककळा पसरली आहे.
मिळालेल्या माहितीनुसार, मावळ तालुक्यातील सोमाटणे फाटा येथे हा अपघात घडला. ज्ञानेश्वरी मुऱ्हे (वय ११) असे मृत मुलीचे नाव आहे. सोमाटणे फाटा परिसरात गॅस सिलेंडरची वाहतूक करणारा टेम्पो आला होता. चालकाने टेम्पो रस्त्याच्या बाजूला उभा केला होता.
मात्र टेम्पो उतारावर उभा करण्यात आला होता. चालकाने वाहनाचा हँडब्रेक लावण्यास विसरल्याने तो टेम्पोतून खाली उतरल्यावर अचानक वाहन मागे सरकू लागले. त्यावेळी जवळच उभी असलेली ज्ञानेश्वरी मुऱ्हे हिला टेम्पोचा धक्का बसला आणि ती खाली पडली.
टेम्पोमध्ये गॅस सिलेंडर भरलेले असल्याने वाहन वेगाने मागे सरकले आणि ज्ञानेश्वरी टेम्पोच्या चाकाखाली सापडली. यात तिचा जागीच मृत्यू झाला. स्थानिक नागरिकांनी तातडीने धाव घेत मुलीला बाहेर काढून रुग्णालयात दाखल केले. मात्र डॉक्टरांनी तपासून तिला मृत घोषित केले.टनेची माहिती मिळताच तळेगाव पोलीस घटनास्थळी दाखल झाले. या दुर्दैवी घटनेमुळे सोमाटणे फाटा परिसरात हळहळ व्यक्त होत असून नागरिकांमध्ये शोककळा पसरली आहे.
शिंदोडी (तेजस फडके) : शेतकऱ्यांना आर्थिक आधार देण्याबरोबरच सहकार क्षेत्रात आर्थिक शिस्त आणि विश्वासार्हतेचा आदर्श…
शिरूर (तेजस फडके) : शिरुर तालुक्यातील चिंचणी येथील घोड धरणात गेल्या पाच वर्षांपासून बेकायदेशीर वाळू…
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…