मुंबई: कलर्स मराठीवरील लोकप्रिय रिअॅलिटी शो बिग बॉस मराठी सीझन 6 सध्या जोरदार चर्चेत आहे. घरात रोज काही ना काही वाद, भांडणं आणि राडे पाहायला मिळत असून आता या सीझनमधील पहिलीच मारामारी समोर आली आहे.
बिग बॉसने स्पर्धकांना जोडीच्या बेडीत अडकवण्याचं ट्विस्ट दिल्यानंतर घरात नॉमिनेशन कार्य पार पडलं. या आठवड्यात तब्बल आठ सदस्य नॉमिनेट झाले आहेत. त्यानंतर आता घरात कॅप्टन्सी कार्य पार पडणार असून, त्यासाठी स्पर्धकांना पापड लाटून उमेदवारी मिळवायची आहे.
प्रोमोमध्ये दाखवण्यात आल्यानुसार, बिग बॉसने घरातील सदस्यांना दोन गटात विभागून पापड लाटण्याचं कार्य दिलं आहे. विरोधी टीमचे पापड होऊ नयेत यासाठी दोन्ही गट एकमेकांचं पीठ काढून घेण्याचा प्रयत्न करताना दिसले. याच दरम्यान प्रचंड खेचाखेची झाली.
या गोंधळात करणने रुचिताच्या डोक्यावर पीठ ओतलं. यामुळे संतापलेल्या रुचिताने थेट करणला मारलं. हा प्रकार पाहून करण चांगलाच भडकला असून घरातील वातावरण तणावपूर्ण झालं आहे.हा प्रोमो पाहून प्रेक्षकही संतापले असून सोशल मीडियावर जोरदार प्रतिक्रिया उमटत आहेत.
“करण भाऊ आता रुचिताला सोडणार नाही,”“रुचिताला त्वरित बाहेर काढा,”“आर्याने निकीला मारलं होतं तेव्हा तिला बाहेर काढलं, मग आता रुचिताला का नाही?”अशा तीव्र प्रतिक्रिया प्रेक्षकांनी दिल्या आहेत.आता रुचिताला शिक्षा होणार की थेट घराबाहेरचा रस्ता दाखवला जाणार, याकडे सर्वांचं लक्ष लागलं आहे.हे सगळं पाहण्यासाठी विसरू नका बिग बॉस मराठी सीझन 6, दररोज रात्री ८ वाजता, फक्त कलर्स मराठी आणि जिओ हॉटस्टारवर.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…