पिंपरखेड-पंचतळे रस्त्यावर रात्रीच्या वेळी एकास जबर मारहाण करुन लुटले

शिरुर (अरुणकुमार मोटे) गावात लग्न समारंभाच्या नियोजन आटोपुन घरी परतणाऱ्या एका नागरिकास पिंपरखेड – पंचतळे रस्त्यावरील रंगनाथ बाबा मंदिराजवळ अज्ञात इसमांनी जबर मारहाण करुन लुटल्याची धक्कादायक घटना मंगळवार (दि १५) रोजी रात्री सुमारे ११.३० च्या सुमारास घडली. हनुमंत सावकार वरे (वय ४१, रा. पिंपरखेड) असे या लुटमार झालेल्या व्यक्तीचे नाव आहे.

फिर्यादीने दिलेल्या माहितीनुसार, वरे हे पिंपरखेड गावठाणातील भावकीच्या लग्नकार्याच्या ठिकाणी काम आटोपुन रात्री घरी परतत होते. दरम्यान, पिंपरखेड-पंचतळे रस्त्यावरील रंगनाथ बाबा मंदिराजवळ लघुशंकेसाठी थांबले असता, मास्क परिधान केलेल्या ४ ते ५ अज्ञात इसमांनी त्यांना अडवले. या व्यक्तींनी अचानक हनुमंत वरे यांच्यावर हल्ला चढवला आणि त्यांना बेदम मारहाण करत त्यांच्या गळ्यातील सुमारे एक तोळ्याची सोन्याची चैन, हातातील घड्याळ, मोबाईल फोन तसेच पाकिटातील रोख ४ हजार रुपये जबरदस्तीने हिसकावून घेत पोबारा केला.

या घटनेनंतर जांबुत, पिंपरखेड परिसरात भीतीचे वातावरण पसरले असुन रात्रीच्या वेळेस निर्जन ठिकाणी नागरिकांची सुरक्षा धोक्यात असल्याचे या प्रकारातून पुन्हा अधोरेखित झाले आहे.

या प्रकरणी शिरुर पोलिस ठाण्यात वरिष्ठ हजर नसल्याच्या कारणावरून अज्ञात आरोपींविरुद्ध लूट व मारहाणीचा गुन्हा दाखल करण्यात उशीर करण्यात येत आहे. त्यांना बराच वेळ पोलीस स्टेशनला बसून ठेवण्यात आले आहे. एवढा गंभीर गुन्हा घडुनही पोलिसांनी कुठलीही तत्परता दाखवली नाही. यावरुन शिरुर पोलिसस स्टेशनच्या कार्यक्षमतेवर प्रश्नचिन्ह उभे राहत आहे.

शिरुर तपास पथकाची धडाकेबाज कारवाई मोटेवाडी येथे डाळिंब चोरी करणारा चोरटा गजाआड

शिरुर तालुक्यात बेकायदेशीर वास्तव्य करणारे बांगलादेशी सापडले; चार जणांना अटक

शिरुर तपास पथकाची धडाकेबाज कारवाई मोटेवाडी येथे डाळिंब चोरी करणारा चोरटा गजाआड