कारेगाव (तेजस फडके) पुणे ग्रामीण दहशतवाद विरोधी शाखा आणि रांजणगाव पोलीस स्टेशन यांनी संयुक्त कारवाई करत मिळालेल्या गोपनीय माहितीच्या आधारे कारेगाव (ता. शिरुर) येथे छापा टाकून बांगलादेशातील चार नागरिकांना बेकायदेशीर वास्तव्य करताना अटक केली असुन त्यामुळे परिसरात मोठी खळबळ उडाली आहे.
कारेगाव येथुन १) कमरोल रमजान शेख (वय ३२, रा. फुलताला, जि. खोलना, बांगलादेश), २) अकलस मजेद शेख (वय ३९, रा. गोपालगंज, बांगलादेश), ३) मोहम्मद अब्दुल्ला मलिक (वय ३५, रा. कालिया, नोडाइल, बांगलादेश), ४) जाहिद अबूबकर शेख (वय ३०, रा. कालिया, नोडाइल, बांगलादेश) अशी अटक केलेल्या चार आरोपीची नावे आहेत.
वरील चार आरोपी कोणत्याही वैध प्रवासी कागदपत्रांशिवाय भारतात अनधिकृतरित्या प्रवेश करुन मागील दोन वर्षांपासून कारेगाव येथे वास्तव्य करत होते. आरोपींकडे बनावट भारतीय आधार कार्ड असल्याचेही समोर आले आहे.
अशी झाली कारवाई….
पुणे ग्रामीण दहशतवाद विरोधी शाखा आणि रांजणगाव पोलीस स्टेशन यांना कारेगाव येथे काही बांगलादेशी नागरिक बेकायदेशीररीत्या वास्तव्य करत असल्याची गोपनीय माहिती मिळाली. मिळालेल्या गोपनीय माहितीच्या आधारे पुणे ग्रामीण दहशतवाद विरोधी शाखा आणि रांजणगाव पोलीस स्टेशन यांनी संयुक्त कारवाई करत दि ११ जुलै २०२५ रोजी सायंकाळी ६:३० ते रात्री ११:२० पर्यंत छापेमारी करुन चार जणांना ताब्यात घेतले.
त्यानंतर (दि १२) जुलै रोजी पहाटे ३:४५ वाजता पुणे ग्रामीण दहशतवाद विरोधी शाखेचे मोसिन बशीर शेख यांनी फिर्याद दिल्याने रांजणगाव MIDC पोलिस स्टेशन येथे गुन्हा दाखल करण्यात आला असुन या घटनेचा पुढील अधिक तपास पोलिस उपनिरीक्षक निळकंठ तिडके हे करत आहेत.
पुणे ग्रामीणचे पोलीस अधीक्षक संदीप सिंह गिल्ल, अपर पोलीस अधीक्षक रमेश चोपडे, शिरुरचे उपविभागीय पोलीस अधिकारी प्रशांत ढोले यांच्या मार्गदर्शनाखाली, रांजणगाव MIDC पोलिस स्टेशनचे पोलीस निरीक्षक महादेव वाघमोडे, सहायक पोलिस निरीक्षक प्रकाश पवार, पोलिस उपनिरीक्षक अविनाश थोरात, सहायक फौजदार विशाल गव्हाणे, दत्तात्रय शिंदे, विशाल भोरडे, रवींद्र जाधव, पोलीस कॉन्स्टेबल मोसीन शेख, ओमकार शिंदे, योगेश गुंड, संतोष साळुंखे, आकाश सवाने व पोलीस पथकाने हि कारवाई केली. आरोपींना शिरुर न्यायालयात हजर केले असता त्यांची दि १५ जुलै २०२५ पर्यंत पोलीस कोठडीत रवानगी करण्यात आली असून पुढील तपास सुरु आहे.
शिरुर; आंतरजिल्हा दरोडेखोर टोळीचा पर्दाफाश : म्होरक्यासह दोघांना अटक, ६ गुन्हे उघड
शिरुर-चौफुला रस्त्यावर अपघात; एकाचा मृत्यू तर एक गंभीर जखमी
शिरुर; गंभीर गुन्ह्यातील माजी पंचायत समिती सदस्याला अटक करण्यासाठी शिरुर पोलिसांना सापडेना मुहूर्त…?
