माजी सैनिक पत्नीच्या आर्थिक फसवणुक प्रकरणी आमदारांच्या फोन नंतरही आरोपीना अटक नाहीच; पोलिसांची भुमिका संशयास्पद…?

शिरुर (तेजस फडके) करडे (ता. शिरुर) येथील डब्ल्यू स्क्वेअर इंडिया प्रायव्हेट लिमिटेड या कंपनीत माजी सैनिक राहुल वाळके यांच्या पत्नी कंपनीत भागीदार असताना बनावट कागदपत्रे बनवुन त्यांचा राजीनामा घेत त्यांना कंपनीच्या भागीदारीतुन काढुन टाकण्यात आले असल्याने रेश्मा राहुल वाळके (वय ३७) रा. करडे यांनी शिरुर पोलिस स्टेशन येथे दि २७ जानेवारी २०२५ रोजी चार जणांविरोधात फिर्याद दाखल केली आहे. परंतु फिर्याद दाखल केल्यानंतर आरोपी अजुनही मोकाट फिरत आहेत.

 

माजी सैनिक संघटनेच्या पदाधिकाऱ्यांनी आधी शिरुरचे तहसीलदार, पोलिस निरीक्षक यांची भेट घेत फरार आरोपीना तातडीने अटक करावी अन्यथा माजी सैनिकांच्या वतीने आंदोलन करण्याचा इशारा दिला होता. परंतु त्यानंतरही पोलिसांनी काहीच हालचाल न केल्याने माजी सैनिकांनी शुक्रवार दि ३१ जानेवारी २०२५ रोजी शिरुर-हवेलीचे आमदार ज्ञानेश्वर ऊर्फ माऊली कटके यांची भेट घेतली.

 

त्यानंतर आमदार कटके यांनी शिरुरचे उपविभागीय पोलिस अधिकारी प्रशांत ढोले यांच्याशी संपर्क साधत संबंधित घटनेत दोषी असणाऱ्या आरोपीना तातडीने अटक करण्याच्या सुचना दिल्या होत्या. त्यानंतर ढोले यांनी आरोपीना तातडीने अटक करु अस आश्वासन दिले होते. परंतु अजुनही आरोपी फरारच आहेत. त्यामुळे गुन्हा दाखल होऊन ६ दिवस उलटुनही आरोपीना अटक करण्यात आली नसल्याने शिरुर पोलिसांच्या कार्यक्षमतेवर प्रश्नचिन्ह निर्माण झाले आहे.

 

देशसेवा केलेल्या माजी सैंनिकांना मिळेना न्याय; तर सर्वसामान्य लोकांची अवस्था काय…? 

शिरुर तालुक्यात शिरुर, रांजणगाव आणि शिक्रापुर या तीनही पोलिस स्टेशन हद्दीत अनेक गुन्ह्यांचा तपास पेंडिंग असुन सर्वसामान्य लोकांना सतत पोलिस स्टेशनला हेलपाटे मारावे लागत आहेत. अनेकवेळा फिर्यादीला आपण तक्रार का केली…? याचा पश्चाताप होत असुन त्याला पोलिसांकडुन संबंधितावर कारवाई करण्याऐवजी आज या उद्या या असे कारण सांगत फक्त ‘तारीख पे तारीख’ मिळत असल्यामुळे सर्वसामान्य लोक पोलिसांकडे जाण्याचे टाळत असल्याचे चित्र सगळीकडे दिसत आहे. देशसेवा केलेले माजी सैनिक आणि त्यांच्या पत्नीची आर्थिक फसवणुक करत जिवे मारण्याची धमकी देऊन सुद्धा गुन्हा दाखल झाल्यानंतर सहा दिवसांनी सुद्धा जर आरोपी फरार होऊन मोकाट फिरत असतील तर ‘कुछ तो गडबड है’ अशी दबक्या आवाजात सगळीकडे चर्चा सुरु आहे.

 

करडे येथील माजी सैनिक यांच्या पत्नीच्या आर्थिक फसवणुकीबाबत गुन्हा दाखल झाला असुन तपासही योग्य पद्धतीने चालु आहे. दाखल झालेल्या गुन्ह्याचे पुरावे तपासुन आरोपीना अटक करावी याबाबत शिरुरचे पोलिस निरीक्षक संदेश केंजळे यांनाही योग्य त्या सुचना दिलेल्या आहेत.

प्रशांत ढोले (DYSP) 

उपविभागीय अधिकारी, शिरुर 

शिरुर; माजी सैनिकाच्या पत्नीची कंपनीच्या भागीदारीत फसवणुक करत जिवे मारण्याची धमकी

‘कुणी न्याय देईल का न्याय’ माजी सैनिकाच्या पत्नीची आर्त हाक; आरोपी अद्यापही मोकाट

शिरुर तालुक्यातील ‘या’ गावात भुजल पातळी खाली गेल्याने बोअरवेल घेण्यास बंदी

शिक्रापुरचे पोलीस हवालदार मिलिंद देवरे यांची दंबग कामगिरी, दोन स्कॉर्पिओ सह ५३ किलो गांजा केला जप्त