शिरुर (तेजस फडके) शिरुर शहरातील जोशीवाडी परिसरात भरदिवसा घरफोडी करुन अज्ञात चोरट्याने रोख रकमेसह सोन्या-चांदीचे दागिने असा एकूण ३ लाख २५ हजार ५०० रुपयांचा मुद्देमाल लंपास केला. दि २७ ऑक्टोबर २०२६ रोजी सकाळी ९ ते दुपारी १२ वाजण्याच्या दरम्यान हि घटना घडली. घराच्या दरवाजाची कडी तोडून आत प्रवेश केल्यानंतर चोरट्याने लोखंडी कपाटाचे लॉक फोडले आणि त्यातील मौल्यवान ऐवज घेऊन पोबारा केला. या घटनेमुळे जोशीवाडी परिसरात खळबळ उडाली आहे.
दरवाजाची कडी तोडून घरात प्रवेश…
याबाबत शिरुर पोलिसांनी दिलेल्या माहितीनुसार, फिर्यादी प्रतीक आदिनाथ माने यांचे शिरुर शहरातील जोशीवाडी येथे राहते घर आहे. २७ ऑक्टोबर रोजी सकाळी ९ ते दुपारी १२ या वेळेत अज्ञात चोरट्याने त्यांच्या घराच्या दरवाजाची कडी तोडून घरात प्रवेश केला. त्यानंतर घरातील हॉलमध्ये असलेल्या लोखंडी कपाटाचे लॉक फोडून कपाटातील सामान अस्ताव्यस्त केले.
तसेच कपाटामध्ये ठेवलेली रोख रक्कम, सोन्याचे दागिने आणि चांदीचे दागिने असा एकूण ३ लाख २५ हजार ५०० रुपये किमतीचा मुद्देमाल चोरट्याने चोरून नेला. भरदिवसा घडलेल्या या घटनेत चोरट्याने घरातील सुरक्षिततेला आव्हान देत मौल्यवान ऐवजावर डल्ला मारला.
नेमका किती ऐवज चोरीला गेला…?
या घरफोडीत ४० हजार रुपयांची रोख रक्कम, १ लाख १० हजार रुपयांचे सोन्याचे मंगळसूत्र, ५५ हजार रुपयांचे सोन्याचे कानातील झुमके, ३३ हजार रुपयांची महिलांची सोन्याची अंगठी, ५५ हजार रुपयांची पुरुषांची सोन्याची अंगठी, १६ हजार ५०० रुपयांची लहान मुलांची सोन्याची अंगठी, ११ हजार रुपयांची सोन्याची नथ, तसेच प्रत्येकी २ हजार ५०० रुपये किमतीची लहान मुलांच्या कमरेतील चांदीची साखळी आणि हातातील चांदीचे कडे चोरीला गेले आहेत. या सर्व ऐवजाची एकूण किंमत ३ लाख २५ हजार ५०० रुपये असल्याचे फिर्यादीत नमूद करण्यात आले आहे.
शिरुर पोलिसांत गुन्हा दाखल; तपास सुरु…
या प्रकरणी अज्ञात चोरट्याविरुद्ध शिरूर पोलीस स्टेशन येथे गुन्हा दाखल करण्यात आला आहे. सहाय्यक पोलीस निरीक्षक नितीन केनेकर हे या प्रकरणाचा पुढील तपास करीत आहेत. शिरुर शहरात भरदिवसा घरफोडी करुन लाखो रुपयांचा ऐवज चोरीला गेल्याने परिसरातील नागरिकांमध्ये चिंतेचे वातावरण निर्माण झाले आहे. या चोरीतील आरोपीचा शोध घेऊन चोरीस गेलेला मुद्देमाल हस्तगत करण्याचे मोठे आव्हान पोलिसांसमोर आहे.
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…