शिरूर (अरुणकुमार मोटे): टाकळी हाजी (ता. शिरूर) प्राथमिक आरोग्य केंद्रात वैद्यकीय अधिकारी निवासी राहत नसल्यामुळे उपचाराअभावी अपघातातील, गरोदर स्त्रीया, नवजात बालके यांना जीव गमवावा लागल्याच्या घटना घडल्या आहेत. त्यामुळे संतापलेल्या बेट भागातील तब्बल नऊ गावांच्या ग्रामपंचायतींनी वैद्यकीय अधिकाऱ्यांविरोधात जिल्हा आरोग्य अधिकारी, जिल्हाधिकारी व आरोग्यमंत्री यांच्याकडे लेखी निवेदन देऊन तातडीने कारवाईची मागणी केली होती. या प्रकरणात म्हाडाचे अध्यक्ष तथा माजी खासदार शिवाजीराव आढळराव पाटील, आमदार रोहित पवार, जनता दलाचे प्रदेशाध्यक्ष नाथा शेवाळे यांनी थेट आरोग्यमंत्री प्रकाश आबीटकर यांच्याकडे धाव घेतली. तसेच, माजी गृहमंत्री तथा आमदार दिलीप वळसे पाटील यांनी ही सहा महिन्यांपूर्वी संबंधित अधिकाऱ्यांविरोधात कारवाई करण्याचे पत्र दिले होते. मात्र, अद्याप पर्यत कारवाई न झाल्याने ग्रामस्थांमध्ये नाराजीचे वातावरण आहे.
आज ( दि. ११ )रोजी अखेर या प्रकरणी जिल्हा चौकशी समितीने टाकळी हाजी येथे दाखल झाली. जिल्हा उपआरोग्य अधिकारी डॉ. सचिन येडके यांच्या नेतृत्वाखालील पथकाने ग्रामस्थ व नऊ गावातील नागरिकांची मते जाणून घेतली. त्यावर आधारित अहवाल जिल्हा आरोग्य अधिकाऱ्यांकडे सादर केला जाणार आहे. त्यामुळे चौकशी समिती वस्तुस्थिती दर्शक अहवाल सादर करणार ? की संबंधित वैद्यकीय अधिकारी यांचे वडील उच्च पदस्थ अधिकारी असल्याने त्यांच्या दबावाखाली काम करत कागदपत्रे रंगवणार ? याकडे बेट भागातील नागरिकांचे लक्ष लागले आहे.पंधरा दिवसात वैद्यकीय अधिकाऱ्यांवर ठोस कारवाई न झाल्यास टाकळी हाजी आरोग्य केंद्रा केंद्रापुढे आमरण उपोषणास बसणार असल्याचे ९ गावातील पदाधिकार्यांनी सांगितले आहे.
यावेळी उपजिल्हा आरोग्य अधिकारी डॉ.सचिन येडके, तालुका आरोग्य अधिकारी डॉ.राजेश कट्टीमनी, विस्तार अधिकारी संभाजी घोडे, तालुका पर्यवेक्षक संभाजी कोकडे, टाकळी हाजी च्या सरपंच अरूणा घोडे, माळवाडीचे सरपंच सोमनाथ भाकरे, शेतकरी संघटनेचे अध्यक्ष माऊली ढोमे, वडनेर चे उपसरपंच अनिल वाजे, सदस्य विक्रम निचित, विश्वनाथ निचित, हरिभाऊ शेलार, नवनाथ निचित, रामदास कोळेकर, संदीप भाकरे, लहू गावडे, सामाजिक कार्यकर्ते शंकर पिंगळे, शांताराम पानमंद, योगेश वाळुंज, वैभव शेलार, जालिंदर राळे ,परीसरातील नागरीक मोठ्या संख्येने उपस्थित होते.
“ग्रामस्थांकडून मिळालेली सर्व माहिती व जिल्हास्तरीय समितीने केलेल्या पाहणी या अनुषंगाने चौकशी समितीमार्फत सविस्तर अहवाल माझ्याकडे येईल. त्या अहवालानुसार योग्य ती तात्काळ कारवाई करण्यात येईल.
डॉ. रामचंद्र हंकारे
नवनिर्वाचित, जिल्हा आरोग्य अधिकारी
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…