शिक्रापुर (तेजस फडके) शिक्षण हिच खरी प्रगतीची गुरुकिल्ली मानली जाते. मात्र शिरुर तालुक्यातील शिक्रापुर पोलीस स्टेशन हद्दीत शिक्षणाच्या मंदिरांच्या सावलीतच अवैध धंद्यांचे सावट गडद होत आहे. तळेगाव-शिक्रापुर रोडवरील हॉटेलच्या नावाखाली राजरोस सुरु असलेला जुगार अड्डा स्थानिक पालक आणि सुजाण नागरिकांसाठी मोठा डोकेदुखीचा विषय ठरला आहे.
या जुगार अड्ड्याच्या हाकेच्या अंतरावर तब्बल सहा उच्च शिक्षण देणाऱ्या शाळा आहेत. सकाळी ते दुपारपर्यंत शेकडो विद्यार्थी या परिसरातून शाळेकडे जाताना-येताना दिसतात. अशा ठिकाणी जुगार अड्ड्यांचे अस्तित्व हि अत्यंत गंभीर आणि धोकादायक बाब मानली जात असून विद्यार्थ्यांच्या भवितव्याला काळी छाया पडत असल्याची भावना पालक व्यक्त करीत आहेत.
शिक्रापुर पोलिस स्टेशन हद्दीत कोरेगाव, सणसवाडी, शिक्रापुर, तळेगाव ढमढेरे या गावात अनेक ठिकाणी सर्रास जुगार अड्डे सुरु आहेत. विशेष म्हणजे बाहेर ‘हॉटेलचा बोर्ड आणि आत मात्र जुगाराचा अड्डा’ असा प्रकार सुरु असुन “जुगार अड्डे जोमात अन प्रशासन मात्र कोमात” अशी सगळीकडे दबक्या आवाजात चर्चा सुरु आहे.
तळेगाव ढमढेरे येथे महाविद्यालयांच्या हाकेच्या अंतरावरच जुगाराचा अड्डा असल्यामुळे या वातावरणाचा थेट फटका शालेय परिसरावर आणि विद्यार्थ्यांवर पडण्याची भीती व्यक्त केली जात आहे. त्यामुळे पालकांमध्ये प्रचंड चिंतेचे वातावरण असून “विद्यार्थी उच्च शिक्षणाच्या दिशेने वाटचाल करत असताना शाळेजवळच अवैध जुगार सुरु असेल, तर त्यांच्या भविष्याचे काय होणार…? असा प्रश्न पालक विचारत आहेत.
या गंभीर परिस्थितीवर तातडीने नियंत्रण आणणे गरजेचे असल्याचे मत सामाजिक संघटनांकडून नोंदवले जात आहे. पोलीस अधीक्षक संदीपसिंह गिल्ल तसेच उपविभागीय अधिकारी प्रशांत ढोले यांनी स्वतः लक्ष घालून या अड्ड्यांवर कारवाई करावी, अशी मागणी जोर धरत आहे.
विद्यार्थ्यांचे भविष्य घडविण्याची जबाबदारी समाजाची असते. मात्र, शाळांच्या शेजारीच चालणारे जुगार अड्डे जर रोखले नाहीत, तर येणाऱ्या पिढीच्या घडणाऱ्या संस्कारांवर गंडांतर येण्याची भीती नाकारता येत नाही. याबाबत मी स्वतः शिक्रापुरचे पोलिस निरीक्षक यांच्याकडे तक्रार केलेली असल्याचे भारतीय जनता पक्षाचे आंबेगाव-शिरुरचे अध्यक्ष सतिश पाचंगे यांनी सांगितले.
शिक्रापुर पोलिस स्टेशन हद्दीत जर काही गैरप्रकार चालत असतील तर निश्चितच त्यावर कारवाई केली जाईल. तक्रारदाराने असे अवैध धंदे जिथे चालु असतील तिथली माहिती आम्हाला दयावी. तक्रारदाराचे नाव गुपित ठेवले जाईल.
दिपरतन गायकवाड (पोलिस निरीक्षक)
शिक्रापुर पोलिस स्टेशन
शिरूर (अरुणकुमार मोटे) : शिरूर तालुक्यातील शिरूर-न्हावरे मार्गावरील करडे घाट परिसर आज (सोमवरा) सायंकाळी पाच…
मंगळवेढा: सातारा येथे झालेल्या ५२ व्या हिंदकेसरी कुस्ती स्पर्धेत मानाचा ‘हिंदकेसरी’ किताब पटकावून मंगळवेढा तालुक्यातील…
पुण्यश्लोक, राजमाता अहिल्यादेवी होळकर यांच्या चरणी सुनेत्रा अजित पवार नतमस्तक मुंबई: स्वराज्यजननी जिजाऊ माँसाहेब, पुण्यश्लोक…
अहिल्यानगर: लोकमाता पुण्यश्लोक अहिल्यादेवी होळकर यांच्या 301 व्या जयंतीनिमित्त चौंडी येथे आयोजित भव्य जयंती सोहळ्यात…
मुंबई: कांदा उत्पादक शेतकऱ्यांच्या प्रश्नांवर बोलताना नवनाथ बन यांनी केलेल्या विधानांचा राष्ट्रवादी काँग्रेस पक्षाने समाचार…
जळगाव: अन्नपदार्थांतील भेसळ, विषारी दारूच्या घटना, शिक्षण विभागातील भ्रष्टाचार, मराठी माध्यमाच्या शाळांसमोरील आव्हाने आणि अनुदानित…