घोड धरणातील अवैध वाळू उपशावर महसुल आणि पोलिसांची संयुक्त कारवाई

शिंदोडी (तेजस फडके) घोड धरणातुन अवैधरीत्या वाळू उपसा करुन वाहतुक करणाऱ्या हायवावर शिरुर महसुल विभाग आणि पोलिसांनी गुनाट-चिंचणी रस्त्यावर संयुक्त कारवाई करत दोन हायवा ताब्यात घेतले आहेत. या दोन हायवा मध्ये प्रत्येकी चार ब्रास प्रमाणे आठ ब्रास वाळू असल्याचे महसूल व पोलिस अधिकाऱ्यांनी सांगितले.

घोड धरणातील अवैध वाळू उपशाबाबत ‘शिरुर तालुका डॉट कॉम’ ने वेळोवेळी आवाज उठवत वृत्त प्रसिद्ध केले होते. त्यानंतर गुनाट-चिंचणी रस्त्यावर पोलिस व महसुल विभागाने संयुक्त कारवाई करत अवैध वाळू वाहतुक करणाऱ्या दोन हायवा ट्रक आज (दि २९) रोजी पकडल्या. त्यानंतर पंचनामा करुन त्या दोन हायवा महसूल विभागाने ताब्यात घेतल्या असुन या दोन हायवा मध्ये मिळून आठ ब्रास अवैध वाळू जप्त करण्यात आली आहे.

तसेच पुढील कारवाईसाठी मंगळवार दि ३१ डिसेंबर २०२४ रोजी महसूल विभागाने यावर सुनावणी ठेवली असुन त्यानंतर पुढची कारवाई करण्यात येणार असल्याचे महसूल विभागाच्या वतीने सांगण्यात आले.

श्रीगोंदा तालुक्यात वाळुमाफियावर हल्ला; वाळु माफिया गंभीर जखमी

श्रीगोंदा तालुक्यात वाळु माफियावर झालेल्या हल्ल्याप्रकरणी सहा जणांवर गुन्हा दाखल

शिरुर तालुक्यात अवैध वाळु उपशामुळे कायदा आणि सुव्यवस्था धोक्यात येण्याची शक्यता…?