Video; स्थानिक गुन्हे शाखा करतेय अवैध धंद्यावर कारवाई…परंतु शिरुर उपविभागीय कार्यालयाला कसलीच चिंता नाही

शिरुर (तेजस फडके) शिरुर पोलिस स्टेशन हद्दीत काही दिवसांपुर्वी स्थानिक गुन्हे शाखेने तीन वेगवेगळ्या ठिकाणी अवैध धंद्यांवर धडक कारवाई करत १२ किलो गांजा व ३ लाख ५६ हजार ७८१ किंमतीचा गुटखा जप्त केला. शिरुर तालुक्यात अवैध धंद्याना ऊत आलेला असताना शिरुरचे उपविभागीय अधिकारी कार्यालय नेमक काय करतंय अशी दबक्या आवाजात सगळ्या तालुक्यात चर्चा सुरु आहे.

शिरुर तालुक्यात शिरुर, रांजणगाव MIDC आणि शिक्रापुर या तीन पोलिस स्टेशनच्या हद्दीत मटका, गुटखा, गावठी दारु, एम डी पान मसाला, खर्या सारख्या अनेक आरोग्यास घातक पदार्थांची विक्री चालु आहे.

स्थानिक गुन्हे शाखेने काही दिवसांपुर्वी शिरुर मध्ये अवैध धंद्यावर धडक कारवाई करत १२ किलो गांजा व ३ लाख ५६ हजार ७८१ किंमतीचा गुटखा जप्त केला. या कारवाईनंतर अनेक चर्चांना उधाण आले असुन स्थानिक गुन्हे शाखेला जी माहिती मिळाली ती स्थानिक पोलिसांना मिळाली नाही का…? की माहिती मिळुनही स्थानिक पोलीस स्टेशनच्या अधिकाऱ्यांनी त्याकडे दुर्लक्ष केले अशी दबक्या आवाजात चर्चा सुरु आहे.

तालुक्यातील अवैध धंद्याकडे उपविभागीय अधिकाऱ्यांचे दुर्लक्ष…? 

शिरुर, रांजणगाव MIDC तसेच शिक्रापुर हि तीन पोलिस ठाणी शिरुर उपविभागीय अधिकाऱ्यांच्या अंतर्गत येतात. या तिनही पोलिस स्टेशन हद्दीत अवैध धंद्याना सध्या ऊत आला आहे. तसेच या तिनही पोलिस स्टेशन मध्ये अनेक गुन्ह्यांचा तपास बाकी आहेत. तर काही गुन्ह्यांच्या तपासामध्ये पोलिस स्टेशनचे अधिकारी आणि कर्मचारी आरोपीना मदत करत असल्यामुळे शिक्रापुर आणि शिरुर येथील दोन पोलिस अधिकारी आणि दोन कर्मचारी निलंबित झालेले आहेत. त्यामुळे उपविभागीय अधिकाऱ्यांचेच तालुक्यातील गुन्हेगारीवर दुर्लक्ष होत असल्याचा आरोप काही सामाजिक कार्यकर्त्यांनी केला आहे.

याबाबत शिरुरचे उपविभागीय अधिकारी प्रशांत ढोले यांच्याशी संपर्क साधण्याचा प्रयत्न केला असता संपर्क होऊ शकला नाही.

(क्रमश:) 

शिरुर; कंपनी फसवणुक प्रकरणी जिल्हा सत्र न्यायालयाने बाप-लेकीचा जामीन फेटाळला

राज्यात एसटी कर्मचाऱ्यांवर हल्ले सुरुच; रांजणगावजवळ लोखंडी रोडने वाहकावर हल्ल्याचा प्रयत्न

शिरूर वनविभागातील वनपाल महिलेची दोन वर्षाची वेतनवाढ कायम स्वरूपी रद्द