रांजणगाव पोलिसांची जुगार खेळणाऱ्यांवर कारवाई; १२ लाख ५४ हजार ८०० रुपयांचा मुद्देमाल केला जप्त

कारेगाव (तेजस फडके) रांजणगाव पोलिस स्टेशन हद्दीत जुगार खेळणाऱ्यावर कारवाई करत पोलिसांनी रोख रकमेसह १२ लाख ५४ हजार ८०० रुपयांचा मुद्देमाल केला जप्त केला आहे. याबाबत रांजणगाव एमआयडीसी पोलीस स्टेशनचे पोलिस हवालदार विलास सूर्यभान आंबेकर (वय ४२) यांनी फिर्याद दाखल केली आहे.

 

रांजणगाव MIDC पोलिसांनी दिलेल्या माहितीनुसार दि ७ मे २०२५ रोजी दुपारी ३च्या सुमारास बाभुळसर खुर्द गावच्या हद्दीतील भांबर्डे ते करडे रोड लगत एका शेतातील झाडाखाली १)बाळू कृष्णाची बत्ते (वय ४२) रा. रांजणगाव गणपती ता. २)नवनाथ सूर्यकांत थीटे (वय ४३) रा. न्हावरे,खंडागळे वस्ती ३)संतोष बाजीराव वाळके (वय ४३) रा.करडे ४)अमोल मारुती गायकवाड (वय ३८) रा.करडे ५)नाना विक्रम पवार (रा. भांबर्डे) 6)शशी वाळके (रा.बाभुळसर खुर्द) ७)गोकुळ गव्हाणे (रा. न्हावरे) हे सर्वजण तेरा पत्त्यांचा रमी जुगार पैशावरती खेळत असताना मिळून आले असुन त्यांच्याकडून २४ हजार ८०० रुपये रोख रक्कम तसेच जुगाराचे साहित्य, मोबाईल आणि वाहने असा एकूण १२ लाख ५४ हजार ८०० रुपये किमतीचा मुद्देमाल जप्त करण्यात आला आहे.

 

सदरची कामगिरी सहायक पोलीस निरीक्षक अशोक चव्हाण, सहायक फौजदार दत्तात्रय शिंदे, पोलीस हवालदार विलास आंबेकर, संतोष औटी, रामेश्वर आव्हाड, उमेश कुतवळ यांनी केली आहे. रांजणगाव MIDC पोलिस स्टेशनचे पोलिस निरीक्षक महादेव वाघमोडे यांच्या मार्गदर्शनाखाली या घटनेचा पुढील अधिक तपास सहायक फौजदार दत्तात्रय शिंदे हे करत आहेत.

Video; रांजणगाव MIDC तील MEPL च्या प्रश्नावर खासदार डॉ अमोल कोल्हे आक्रमक

रांजणगाव MIDC तील विविध कामात माजी महिला सरपंचाच्या पतीची लुडबुड…?

सिंघमगिरी; रांजणगाव MIDC पोलिसांनी सिनेस्टाईल सापळा रचत चार अपहरण झालेल्या कामगारांची केली सुटका