शिक्रापुर (अक्षय टेमगिरे) शिक्रापुर (ता. शिरुर) पोलिसांनी दुचाकी चोरी करणाऱ्या सराईत गुन्हेगारासह त्याच्या दोन साथीदारांना जेरबंद करत तब्बल ७ मोटारसायकली जप्त केल्या आहेत. या कारवाईमुळे शिक्रापूर व रांजणगाव पोलीस ठाण्यातील एकूण ६ गुन्ह्यांचा तपास उघडकीस आला आहे.
शिक्रापुर पोलीस ठाण्यात फिर्यादी अन्वये अंबादास दुक्कल जाट यांची हिरो स्प्लेंडर प्लस (एमएच-१२ डब्ल्युसी ३२१४) हि मोटारसायकल चोरीस गेल्याची तक्रार नोंदविण्यात आली होती. अलीकडच्या काळात मोटारसायकल चोरीच्या घटनांमध्ये वाढ झाल्याने पोलीस निरीक्षक दिपरतन गायकवाड यांनी गुन्हे शोध पथकाला तपासाचे आदेश दिले. त्यानंतर सीसीटीव्ही फुटेज व तांत्रिक तपासातून आरोपींचा शोध घेण्यात आला.
या तपासात आरोपी मंगलसिंग माणिकलाल सत्तावन (२५, रा. कासारी फाटा, शिक्रापुर), धिरज बालाजी क्षिरसागर (१९, रा. मलठण फाटा, शिक्रापूर), योगेश ज्ञानेश्वर जाधव (२७, रा. कासारी फाटा, शिक्रापुर, मुळ रा. लोणीधामणी, ता. आंबेगाव) हे गुन्ह्यातील आरोपी असल्याचे निष्पन्न झाले आहे.
सदर आरोपींच्या कबुली जबाबानंतर पोलिसांनी २ लाख १० हजार रुपये किंमतीच्या ७ दुचाकी जप्त केल्या आहेत. त्यामध्ये शिक्रापुर पोलीस ठाण्यातील ४ व रांजणगाव पोलीस ठाण्यातील २ असे एकूण ६ गुन्हे उघडकीस आले आहेत. उर्वरित एका मोटारसायकलीच्या मालकाबाबत तपास सुरु आहे.
सदरची कारवाई पुणे ग्रामीणचे पोलिस संदिप सिंह गिल्ल, पुणे अपर पोलिस अधिक्षक रमेश चोपडे, शिरुरचे उपविभागीय पोलीस अधिकारी प्रशांत ढोले यांच्या मार्गदर्शनाखालीशिक्रापुरचे पोलीस निरीक्षक दिपरतन गायकवाड, पोलीस उपनिरीक्षक महेश डोंगरे, पोलिस उपनिरीक्षक जितेंद्र पानसरे, पोलिस हवालदार श्रीमंत होनमाने, अमोल दांडगे, विकास पाटील, रोहीदास पारखे, जयराज देवकर, शिवाजी चितारे, अमोल नलगे, नारायण वाळके, राम जाधव, प्रतिक जगताप या पथकाने केली आहे.
Video; मुसळधार पाऊसात विजेच्या खांबावर लटकावला बॅनर, महावितरण कारवाई करणार का…?
Video; शिरुर तालुक्यात DJ च्या आवाजाने बैल उधळली; दोन लहान मुल जखमी
Video; करडे-रांजणगाव अष्टविनायक महामार्गावर अपघात; भरधाव डंपरची घराला धडक
मुंबई: कुर्ला मतदारसंघातील लोकाभिमुख विकासकामांसाठी निधीची कोणतीही कमतरता भासू दिली जाणार नाही. नेहरूनगर येथील पोलीस…
मुंबई: राजकारणात काही गोष्टी इतक्या उघडपणे घडतात की त्यावर भाष्य करण्यासाठी दुर्बिणीची गरज नसते; फक्त…
मुंबई: राज्यातील तांत्रिक शिक्षण क्षेत्रातील विद्यार्थ्यांना अधिक सुलभ, वेगवान आणि पारदर्शक सेवा उपलब्ध करून देण्यासाठी…
पुणे: पुण्यातील दापोडी आणि हडपसर परिसरातील विषारी दारू प्रकरणाची शिवसेना नेत्या व विधान परिषदेच्या उपसभापती…
मुंबई: मध्य प्रदेशातील राज्यसभा निवडणुकीत काँग्रेसच्या उमेदवार मिनाक्षी नटराजन यांचा उमेदवारी अर्ज कथितपणे बेकायदेशीर आणि…
मुंबई: राष्ट्रवादी काँग्रेस पक्षाच्या २७ व्या वर्धापन दिनानिमित्त मुंबईतील षण्मुखानंद सभागृहात आयोजित कार्यक्रमात पक्षाच्या राष्ट्रीय…