शिक्रापुर (शेरखान शेख) शिक्रापूर (ता. शिरुर) येथील बजरंगवाडी येथून अपेक्षा सोळुंके हि सात वर्षाची बालिका सायंकाळच्या सुमारास अचानक बेपत्ता झाल्याची घटना घडली मात्र त्यांनतर शिक्रापूर पोलिसांनी रात्रभर सदर बालिकेचा शोध घेतला असून अद्यापही सदर बालिकेचा शोध लागलेला नाही.
शिक्रापूर येथील बजरंगवाडी येथील अपेक्षा सोळुंके (वय ७) हि तिच्या वडिलांसोबत खाऊ आणायला गेली. खाऊ घेतल्यानंतर तिच्या वडिलांनी तिला घराच्या समोर सोडले मात्र त्यांनतर ती घरीच परतली नाही. त्यामुळे प्रथम शेजारी असलेल्या नवरात्र उत्सवात असेल असे वाटले. मात्र तिचा तपास काही लागेना याबाबतची माहिती मिळताच शिरुर उपविभागाचे उपविभागीय पोलीस अधिकारी यशवंत गवारी, पोलीस निरीक्षक हेमंत शेडगे, सहाय्यक पोलीस निरीक्षक वैभव पवार, नितीन अतकरे, रणजीत पठारे, पोलीस उपनिरीक्षक राजेश माळी, महिला पोलीस निरीक्षक माधुरी झेंडगे यांच्यासह तीस ते पस्तीस पोलीस कर्मचाऱ्यांनी घटनास्थळी धाव घेत सदर बालिकेचा शोध सुरु केला.
तसेच स्थानिक गुन्हे अन्वेषण विभागाचे पथकाने देखील सदर ठिकाणी येत बालिकेचा शोध घेण्यास सुरवात केली, रात्रभर शिक्रापूर पोलीस स्टेशनचे सर्व अधिकारी व कर्मचारी, होमगार्ड, पोलीस मित्र, नागरिक यांनी बालिकेचा शोध घेतला मात्र सकाळ पर्यंत देखील त्या बालिकेचा काहीही शोध लागला नाही, याबाबत बालिकेची आई राधिका युवराज सोळुंके रा. बजरंगवाडी शिक्रापूर ता. शिरुर जि. पुणे हिने शिक्रापूर पोलीस स्टेशन येथे खबर दिली असून पुढील तपास शिक्रापूर पोलीस करत आहे.
शिरूर (तेजस फडके) : शिरुर शहरातील आनंद सोसायटीत पहाटेच्या सुमारास सशस्त्र चोरट्याने धुमाकूळ घालत गोळीबार…
कारेगाव (तेजस फडके) शिरुर तालुक्यातील कारेगाव येथील हत्याकांड प्रकरणात पोलिसांनी गोळीबार करणाऱ्या पृथ्वी ऊर्फ भैय्या…
शिरुर (तेजस फडके) सर्वसामान्य नागरिकांना न्याय मिळवून देण्याची जबाबदारी असलेल्या शिरुर तहसील कार्यालयातील कारभारावरच आता…
पांडव: तांदळी (ता. जि. वाशिम) येथे दुष्काळाची पाहणी करताना एका युवा शेतकऱ्याच्या भावनांचा बांध फुटला. डोळ्यांत…
माळेगाव कारखान्याच्या ७० व्या गळीत हंगामाचा शुभारंभ; ऊसदर, पाणी व्यवस्थापन आणि कामगारांच्या योगदानावर भर बारामती:…
दुष्काळग्रस्त शेतकऱ्यांना तातडीने आर्थिक मदत, संपूर्ण कर्जमाफी आणि वीजबिल माफी देण्याची मागणी मुंबई: राज्यातील दुष्काळग्रस्त…