शिक्रापूर (शेरखान शेख): निमगाव म्हाळुंगी (ता. शिरुर) येथील ग्रामपंचायतीच्या सरपंच पदाच्या झालेल्या निवडणुकीत सरपंचपदी सविता करपे यांची बिनविरोध निवड झाल्याची माहिती निवडणूक निर्णय अधिकारी राजू आळणे व ग्रामविकास अधिकारी गुलाब नवले यांनी दिली आहे.
निमगाव म्हाळुंगी (ता. शिरुर) येथील ग्रामपंचायतचे सरपंच महेंद्र रणसिंग यांनी त्यांच्या सरपंच पदाचा राजीनामा दिला होता, त्यामुळे सरपंचपद रिक्त झाल्याने नुकतीच सरपंच पदाची निवडणूक घेण्यात आली.
यावेळी सरपंच पदासाठी सविता करपे यांनी अर्ज दाखल केला. त्यांच्या विरोधात अर्ज न आल्याने सविता करपे यांची सरपंचपदी बिनविरोध निवड झाल्याचे निवडणूक निर्णय अधिकारी राजू आळणे व ग्रामविकास अधिकारी गुलाब नवले यांनी जाहीर केले. निवडीनंतर सरपंच सविता करपे यांचा ग्रामस्थांच्या वतीने सन्मान करण्यात आला.
यावेळी शिरुर पंचायत समितीचे माजी सदस्य विजय रणसिंग, माजी सरपंच महेंद्र रणसिंग, उपसरपंच तनुजा विधाटे, माजी उपसरपंच तेजस यादव, कानिफनाथ गव्हाणे, दादासाहेब करपे, बाळासाहेब चौधरी, संतोष करपे, उद्योजक विजय करपे, डॉ.किशोर सातकर यांसह तसेच ग्रामपंचायत सदस्य व ग्रामस्थ मोठ्या संख्येने उपस्थित होते.
दरम्यान निवडीनंतर नवनिर्वाचित सरपंच सविता करपे यांची गावातून सवाद्य मिरवणूक काढण्यात आली तर यावेळी बोलताना गावातील सर्वांना बरोबर घेऊन गावचा विकास करत गाव आदर्श बनवणार असल्याचे नवनिर्वाचित सरपंच सविता करपे यांनी सांगितले.
शिरूर (अरुणकुमार मोटे): शिरूर तालुक्यातील बेट भागात जुगार, हातभट्टी दारू, ताडी तसेच अवैध मद्यविक्रीचे धंदे…
शिक्रापूर (ओमकार भोरडे): महावितरणच्या रोहित्र (डीपी) चोरीच्या घटनांना प्रतिबंध घालण्यासाठी महावितरण व पोलिस प्रशासनाच्या संयुक्त…
शिरुर (तेजस फडके): शिरूर तालुक्यातील कारेगाव येथे हृदय पिळवटून टाकणारी घटना घडली असून, एका तीन…
मुंबई : धी यशोदाबाई गोविंद गंगाधर फडके चॅरिटेबल ट्रस्टतर्फे गेल्या पाच वर्षांपासून राबविण्यात येणाऱ्या पाठ्यपुस्तक…
तळेगाव ढमढेरे : शिरूर तालुक्यातील शिक्रापूर, कोरेगाव भीमा व तळेगाव ढमढेरे येथील आठवडे बाजारांमध्ये वाढत्या…
शिरूर (अरुणकुमार मोटे): "तुझ्या चुकीच्या सांगण्यामुळे मला कंपनीतून कामावरून काढण्यात आले," असा जाब विचारत एका…