दुभाजकावरील जाहिरात फलकांमुळे वाहनचालकांची दृश्यमानता बाधित; नियम मोडणाऱ्यांवर कठोर कारवाईचा इशारा
शिक्रापूर (ओमकार भोरडे): पुणे–अहिल्यानगर राष्ट्रीय महामार्गावरील वाहनचालकांच्या सुरक्षेला धोका ठरणाऱ्या अनधिकृत जाहिरात फलकांवर शिक्रापूर पोलिसांनी मोठी कारवाई करत तब्बल २०० फ्लेक्स हटवले आहेत. महामार्गाच्या दुभाजकावर नियमबाह्य पद्धतीने लावण्यात आलेले हे फलक वाहनचालकांची दृश्यमानता कमी करत असल्याने गंभीर अपघाताचा धोका वाढत होता.
पोलीस निरीक्षक चंद्रशेखर यादव यांच्या मार्गदर्शनाखाली राबविण्यात आलेल्या या विशेष मोहिमेत वाहतूक पोलीस अंमलदार, पोलीस हवालदार मिलिंद देवरे आणि पोलीस अंमलदार लखन शिरसकर यांनी संयुक्तपणे सहभाग घेत महामार्गावरील सर्व अनधिकृत फलक हटवले.
पोलिसांच्या माहितीनुसार, या फ्लेक्समुळे वाहनचालकांचे लक्ष विचलित होत होते. तसेच रस्ता ओलांडणारे नागरिक, समोरून येणारी वाहने किंवा वळणावरील हालचाली वेळेत दिसत नसल्याने अपघाताचा धोका निर्माण होत होता. त्यामुळे ही कारवाई रस्ते सुरक्षेच्या दृष्टीने महत्त्वाची ठरली आहे.
यावेळी संबंधित व्यावसायिकांना स्पष्ट इशारा देण्यात आला की, भविष्यात महामार्ग किंवा दुभाजकावर कोणतेही अनधिकृत जाहिरात फलक लावल्यास त्यांच्याविरुद्ध नियमानुसार कठोर कायदेशीर कारवाई करण्यात येईल. पोलीस निरीक्षक चंद्रशेखर यादव यांनी सांगितले की, या मोहिमेमुळे राष्ट्रीय महामार्गावरील वाहतूक अधिक सुरक्षित, सुरळीत आणि अपघातमुक्त करण्यास मोठी मदत होणार आहे.
“एक चुकीचा फ्लेक्सही जीवघेणा ठरू शकतो”
“महामार्गावरील वाहतूक सुरक्षित, सुरळीत आणि अपघातमुक्त ठेवण्यासाठी शिक्रापूर पोलीस, ग्रामपंचायत आणि पीएमआरडीएच्या सहकार्याने सातत्याने प्रयत्न करत आहेत. भविष्यात अनधिकृत फलक लावणाऱ्यांविरुद्ध कठोर कारवाई केली जाईल. फ्लेक्स लावण्यापूर्वी ग्रामपंचायत व पीएमआरडीएची आवश्यक परवानगी घेऊनच नियमांचे पालन करावे,” असे आवाहन पोलीस निरीक्षक चंद्रशेखर यादव यांनी केले.
शिक्रापूर-मलठण रस्ता झाला चिखलमय; ठेकेदार कुठंय…
शिक्रापूर एमआयडीसीत दादागिरी सहन केली जाणार नाही; खंडणीखोरांवर कठोर कारवाईचा इशारा
शिक्रापूर पोलिसांची धडाकेबाज कारवाई; दुकानफोडी करून १० इलेक्ट्रिक मोटार पंप चोरणारे तिघे जेरबंद
शिक्रापूरमध्ये अल्पवयीन मुलीला सोशल मीडियावरून ब्लॅकमेल
न्हावरे (अक्षय टेमगिरे) : सध्या दुष्काळाने शेतकरी आधीच होरपळत असताना शिरुर तालुक्याच्या पुर्व भागातील एका…
शिरुर (तेजस फडके) सर्वसामान्य नागरिक आपल्या आयुष्यभराच्या कमाईतून थोडी थोडी रक्कम साठवून ती सुरक्षित राहावी…
आपल्या वयानुसार शरीरात विविध शारीरिक बदल होतात आणि पचनसंस्थेचाही त्यात समावेश आहे. हे बदल पचनक्रियेवर…
आयुर्वेदात आवळा हे काही उत्तम फळांपैकी एक फळ मानले जाते. आवळ्याचे जूस पिल्याने आरोग्याशी संबंधित…
दुष्काळग्रस्त शेतकऱ्यांच्या मदतीसाठी नवरात्र मंडळांनी पुढाकार घ्यावा; टेंभी नाक्याच्या देवीसमोर शेतकऱ्यांसाठी साकडे ठाणे: महाराष्ट्रातील दुष्काळग्रस्त…
नागपूर घोषणापत्र जाहीर; १८ राज्यांतील ओबीसी संघटनांची एकजूट, ‘नॅशनल ओबीसी न्याय मोर्चा’ची स्थापना नागपूर: जनगणनेत…