शिक्रापुर (तेजस फडके) सध्या शिरुर-हवेली मतदार संघात अनेकजण विधानसभा निवडणुकीसाठी इच्छुक आहेत. त्यामुळे दशक्रिया विधी, लग्न समारंभ तसेच इतर कार्यक्रमांना राजकीय नेते हजेरी लावत आहेत. रविवार (दि २८) जुलै रोजी पिंपळे जगताप (ता. शिरुर) येथील माजी उपसरपंच शहाजी तांबे यांचे वडील किसनराव तांबे यांच्या दशक्रियेला शिरुर-हवेलीत आजी माजी आमदारांसह अनेक दिग्गजांनी हजेरी लावत सांत्वनपर भाषणात एकमेकांना चिमटे काढले.
या दशक्रिया विधीच्या वेळी निवेदक यांच्यासह भाजपाचे माजी तालुकाध्यक्ष भगवानराव शेळके यांनी प्रदीप कंद यांच्यातर्फे श्रद्धांजली दिल्यावर अजित पवार गटाचे राष्ट्रवादीचे माजी प्रदेश प्रवक्ते चंदन सोंडेकर यांनी माईक हातात घेत महेश ढमढेरे तसेच विश्वास ढमढेरे यांचा नामोल्लेख करुन स्व. श्रीकांत ढमढेरे ग्रामविकास अधिकारी असतानाच शहाजी तांबे उपसरपंच होते व त्यांचे पिंपळे गावच्या विकासातील योगदान सांगताना १५ वर्षापुर्वी ग्रामपंचायत आधी कौलाच्या खोलीतुन नंतर आरसीसी ईमारतीत आणत पहीला सिंमेंट रस्ता ग्रामपंचायतने स्वनिधीतुन केल्याचे दुःखीत कुटुंबियांचे सामाजिक व राजकीय योगदान सांगीतले.
इथुनच सांत्वन सभेत शिरुर-हवेलीचे राजकारण हळू हळू तापायला सुरवात झाली चंदन सोंडेकर यांच्यानंतर महेश अरविंद ढमढेरे शोकाकुलांचे सांत्वन केले. त्यानंतर राष्ट्रवादीचे तालुकाध्यक्ष रवि काळे यांनी आवर्जून उपमुख्यमंत्री अजित पवार यांच्यतर्फे श्रद्धांजली वाहत जुना ब्रिटिशांचा काळ पाहीलेली खडतर जीवन जगत आदर्श घालून दिलेली पिढी सरत चालल्याचे दुःख व्यक्त केले. माजी आमदार सुर्यकांत पलांडे यांनी सर्वच उपस्थित गावोगावीच्या नेत्यांचा नामोल्लेख करत आपला शिरुर तालुका जात धर्म न पहाता सर्वांनाच निवडणुकीत संधी देतो यांत धनगर, माळी, मराठा , नाईक, भटके विमुक्त सर्वांना जिल्हा परिषदेत पाठवायच काम तालुक्याने केले यांत पोपटराव गावडे, किसनराव भुजबळ आंधु महाराज, यांची आठवण सांगितली.
शिरुर-हवेलीचे आमदार अशोक पवार यांच्या सांत्वनपर भाषणावेळी पाऊस वाढल्याने दशक्रिया शेडच्या बाहेर उपस्थित महीला भगीनी भिजत असल्याने मी थोडक्यात बोलतो म्हणत “महारांजांच्या प्रवचनानंतर काही कार्यकर्तेच त्यांचे प्रवचन चालू ठेवतात” असे म्हणून आधिचे वक्ते चंदन सोंडेकर ते रवि काळे या सर्वांना चिमटा काढण्याची संधी सोडली नाही.
दशक्रिया विधीच्या या कार्यक्रमानंतर चहाच्या टपरीवर चहासोबतच आमदारांच्या सांत्वनपर भाषणाचा दाखला देत सणसवाडीच्या माजी उसरपंचाने सांगीतले की, दशक्रियेत आमदार पवारांनी महीला भिजत आहेत म्हणून थोडक्यात बोलतो म्हणत आधीच्या वक्त्यांना चिमटा काढला. पण मग दोनदा आमदार असताना मतदार संघात महीलांसाठी अधिकची दुसरी मोठी शेड का नाही बांधली…? अशी चर्चा उपस्थितांमधे रंगली.
शिरुर तालुक्यात शाळेसमोरील मोकळया पटांगणात मुक्त संचार करणारा आजारी बिबट्या जेरबंद
शिरुर तालुका म्हणजे महसूल, पोलिस, MIDC तील कंपन्याचे वरिष्ठ अधिकारी यांच्यासाठी भ्रष्टाचाराचे कुरण…?
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…
विद्यार्थ्यांना एआय, रोबोटिक्स, ड्रोन आणि थ्रीडी प्रिंटिंगचे मिळणार प्रात्यक्षिक शिक्षण; उच्च शिक्षणासाठी ठरणार उपयुक्त शिरूर…
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…