शिंदोडी (तेजस फडके) गेल्या अनेक वर्षांपासुन शिरुर येथील तहसिलदार कार्यालयातील महसुल विभागातील अधिकारी आणि कर्मचाऱ्यांचे वेगवेगळे कारनामे समोर येत आहेत. काही वर्षांपुर्वी तहसिल कार्यालयात बोकडाचा नैवेद्य दाखविण्यात आला होता. त्यानंतर आता वाळू माफियांनी महसुलच्या अधिकाऱ्यांना खुश करण्यासाठी चिंचणी येथील वाळू डेपोच्या ठिकाणी नऊ बकऱ्यांची कंदुरी आणि दारुची पार्टी दिली असल्याची खात्रीलायक माहिती सुत्रांनी दिली असुन या पार्टीत शिरुरच्या महसूल अधिकाऱ्यांसह पुण्याच्याही महसूल विभागातील अधिकाऱ्यांनी दारुच्या नशेत झिंगाट डान्स केल्याची दबक्या आवाजात सगळीकडे चर्चा सुरु आहे.
शिरुर तालुका आणि बेकायदेशीर वाळू उपसा हे गेल्या अनेक वर्षांपासुनच समीकरण आहे. गेल्या अनेक वर्षांपासुन शिरुर तालुक्यात बेसुमार बेकायदेशीर वाळू उपसा चालु असुन वाळू माफिया आणि महसूलचे अधिकारी आणि कर्मचारी यांचे लागेबांधे आहेत. त्यामुळे गेल्या 10 ते 15 वर्षांपासुन शासनाचा करोडो रुपयांचा महसूल बुडवला जात असतानाही महसूलचे अधिकारी आणि कर्मचारी ‘अपना काम बनता तो भाड मे जाये जनता’ या म्हणीप्रमाणे फक्त ‘अपना सपना मनी मनी’ म्हणतं वाळू उपशाकडे जाणीवपुर्वक दुर्लक्ष करत आहेत.
गेल्या वर्षेभर चिंचणी येथे वाळू डेपोच्या नावाखाली वाळू माफियांनी शासनाचा करोडो रुपयांचा महसूल बुडवून लाखो ब्रास वाळूची चोरी केली आहे. परंतु महसूल विभाग कायमच त्यांना पाठीशी घालत आहे. त्यामुळे त्यांच्या या ऋणातून उतराई होण्यासाठी वाळू माफियांनी नुकत्याच एका मटण पार्टीचं आयोजन केलं होत. त्यात पुण्यातील काही महसूलचे अधिकारी आणि शिरुर तहसिलदार कार्यालयातील महसूल विभागाचे काही अधिकारी कर्मचारी सामील झाल्याची खात्रीलायक माहिती सूत्रांनी दिली आहे.
या पार्टीत नऊ बकऱ्यांचा बळी देत अधिकाऱ्यांना ‘कंदुरी’ चारण्यात आली. तसेच दारुच्या नशेत तर्रर्रर्र झालेल्या महसूलच्या अधिकारी आणि कर्मचाऱ्यांनी वाळू माफियांसोबत झिंगाट डान्स केल्याचीही चिंचणी आणि गुनाट परीसरात दबक्या आवाजात जोरदार चर्चा चालु आहे. त्यामुळे बोकडाच्या नैवेद्यानंतर शिरुर तहसिल कार्यालयातील महसूल विभागाचा अजुन एक नवीन कारनामा समोर आला आहे.
शिरुरमधील युवकाच्या आत्महत्येचे कारण आले समोर; प्रेमसंबंधातून मारहाण अन् गळफास
रांजणगाव-बाभुळसर अष्टविनायक महामार्गावर अपघातात एका महिलेचा मृत्यू; वाहनचालक फरार
शिरुर; चिमुकलीच्या मृत्यूस कारणीभुत ठरल्याने कारचालकास एक वर्षाचा कारावास
वाघोली (प्रतिनिधी) शिरूर-हवेली विधानसभा मतदारसंघात शिवसेना उद्धव बाळासाहेब ठाकरे पक्ष मजबूत असुन या दोन्ही तालुक्यात…
शिरुर (तेजस फडके) शिरुर लोकसभेचे महायुतीचे उमेदवार शिवाजीराव आढळराव पाटील यांच्या प्रचारासाठी शिरुर येथे मंगळवार…
शिरुर (तेजस फडके) 'गेले दहा वर्ष तुम्ही आम्हाला फसवत आहात. तुम्ही १५ वर्षे खासदार असताना…
शिरुर (तेजस फडके) शिरुर लोकसभेचे महाविकास आघाडीचे अधिकृत उमेदवार डॉ अमोल कोल्हे यांच्या प्रचारार्थ शिरुर…
कारेगाव (तेजस फडके) रांजणगाव MIDC पोलीस स्टेशन हद्दीतील औ‌द्योगीक वसाहतीमध्ये काही ठिकाणी अवैधरीत्या गांजाची चोरुन…
शिक्रापुर (योगेश शेंडगे) शिरुर तालुक्यातील निमगाव म्हाळुंगी येथील शेतकरी संतोष सुभाष चौधरी यांनी विषारी औषध…