कारेगाव (तेजस फडके) रांजणगाव MIDC पोलीस स्टेशन हद्दीतील औ‌द्योगीक वसाहतीमध्ये काही ठिकाणी अवैधरीत्या गांजाची चोरुन विक्री होत असल्याबाबत माहिती पोलीस निरक्षक महादेव वाघमोडे यांना प्राप्त झाली होती. त्यानुसार रांजणगाव तसेच कारेगाव या दोन ठिकाणी छापा टाकुन पोलिसांनी दोन गांजा विक्री करणाऱ्या व्यक्ती तसेच दोन गांजा ओढणाऱ्या व्यक्तीवर कारवाई केली आहे.
रांजणगाव MIDC पोलिस स्टेशन हद्दीत कारेगाव हद्दीतील एका वस्तीमध्ये विजया शितोळे हि महिला गांजा विक्री करत असल्याची गोपनीय माहिती पोलीस निरीक्षक महादेव वाघमोडे यांना दि 4 मे 2024 रोजी प्राप्त झाली होती. या माहितीच्या अनुषंगाने सर्व कायदेशीर प्रक्रिया पुर्ण करुन पोलीस निरीक्षक महादेव वाघमोडे, सहायक पोलीस निरीक्षक मनोजकुमार नवसरे, महिला पोलीस उपनिरीक्षक सविता काळे, सहायक फौजदार दत्तात्रय शिंदे, पोलिस हवालदार विजय सरजिने, महिला पोलिस हवालदार विद्या बनकर, चालक पोलिस हवालदार माऊली शिंदे व पोलिस कॉन्स्टेबल उमेश कुतवळ यांनी दोन वेगवेगळी पथक तयार केली.
त्यानंतर रात्री 9:40 वाजता माहीती मिळाली त्या ठिकाणी छापा टाकला. सदर ठिकाणी महिला विजया पोपट शितोळे (वय 55) रा. कारेगाव, ता. शिरुर, जि. पुणे हिच्या ताब्यात एका प्लॅस्टिकच्या पिशवीमध्ये गांजा हा अमली पदार्थ मिळुन आला. तसेच रांजणगाव येथील हेमंत पवार हा देखील अशाच प्रकारे गांजा विक्री करत असल्याची माहिती प्राप्त झाल्याने पोलीस स्टाफमधील दोन्ही पथकाने सोबतच्या पंचासह राजंणगाव येथे मिळालेल्या बातमी ठिकाणी छापा टाकला.
सदर ठिकाणी हेमंत पवार (रा. रांजणगाव, ता. शिरुर, जि. पुणे) याच्या घरी गांजा हा अमली पदार्थ मिळुन आला. रांजणगाव MIDC पोलीसांनी दोन्ही ठिकाणावरुन गांजा जप्त केला आहे. सदर घटनेबाबत रांजणगाव MIDC पोलिस स्टेशन येथे अंमली पदार्थ कायद्यान्वये वरील दोन व्यक्तीवर गुन्हा दाखल करण्यात आला आहे.
तसेच रांजणगाव MIDC परिसरातील कारेगावच्या हद्दीतील आय टी आय (ITI) शेजारी काही इसम नेहमीच गांजा या अंमली पदार्थाचे सेवन करत असल्याबाबत पोलीस निरीक्षक महादेव वाघमोडे यांना बातमी मिळाल्याने अधिक माहिती घेवुन बातमी खरी असल्याची खात्री केली असता पोलीस स्टाफसह सदर ठिकाणी पोलीस निरिक्षक यांनी सोबतच्या पंचासह दि 4 मे 2024 रोजी रात्रीच्यावेळी छापा टाकला असता सदर ठिकाणी 1) सोमनाथ दत्तात्रय नवले (वय 31), 2) प्रथमेश संतोष नवले (वय 21) दोघेही रा. कारेगाव, ता. शिरुर, जि. पुणे हे चिलीमद्वारे गांजा या अंमली पदार्थाचे सेवन करतांना मिळुन आल्याने वरील दोघांविरोधात रांजणगाव MIDC पोलिस स्टेशन येथे गुन्हा अंमली पदार्थ का‌द्यान्वये गुन्हा दाखल करण्यात आला आहे.
सदरची कामगिरी पुणे ग्रामीणचे पोलिस अधिक्षक पंकज देशमुख, अप्पर पोलिस अधिक्षक रमेश चोपडे, शिरुरचे उपविभागीय पोलिस अधिकारी प्रशांत ढोले यांच्या मार्गदर्शनाखाली पोलीस निरीक्षक महादेव वाघमोडे, सहायक पोलीस निरीक्षक मनोजकुमार नवसरे, महिला पोलीस उपनिरीक्षक सविता काळे, पोलीस उपनिरीक्षक निळकंठ तिडके, सहायक फौजदार दत्तात्रय शिंदे, पोलिस हवालदार विजय सरजिने, महिला पोलिस हवालदार विद्या बनकर, महिला पोलिस कॉन्स्टेबल कोमल सात्रस, चालक पोलिस हवालदार माऊली शिंदे, पोलिस कॉन्स्टेबल उमेश कुतवळ यांनी केली आहे. सदर गुन्हयाचा पुढील अधिक तपास सहायक फौजदार दत्तात्रय शिंदे व पोलिस हवालदार अभिमान कोळेकर हे करत आहेत.
रांजणगाव MIDC परिसरात कोयत्याचा धाक दाखवुन मोबाईल चोरी करणा-या तीन सराईत आरोपींना अटक
रांजणगावचे पोलिस निरीक्षक महेश ढवाण यांचा निरोप समारंभ; कर्मचाऱ्यांसह उपस्थितांचे डोळे पाणावले
श्रीगोंदा (विशेष प्रतिनिधी) घोड धरणाच्या बॅकवॉटरमध्ये गेल्या पाच वर्षांपासून रात्रंदिवस बेकायदशीर वाळू उपसा सुरु असून,…
शिरुर (तेजस फडके) शिरुर तालुक्यातील सरदवाडी येथील राजहंस लॉजमध्ये महिलेकडून वेश्याव्यवसाय करवून घेतला जात असल्याची…
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…
मुंबई: बॉलीवूड अभिनेता टायगर श्रॉफ याच्या गाडीवर आज संध्याकाळी अज्ञात हल्लेखोरांनी हल्ला केल्याची घटना घडली. या…
टायगर श्रॉफ गोळीबार प्रकरणाची गंभीर दखल; आरोपींच्या शोधासाठी विशेष पथके तैनात नागपूर: मुंबईत पुन्हा दहशतीचे…