शिरूर तहसील कार्यालयातील अधिकारी लाच घेताना पकडला…

शिरूर (तेजस फडके): शिरूर तहसील कार्यालय येथे पाच हजाराची लाच स्वीकारताना महसूल सहाय्यकाला लाच लुचपत प्रतिबंधक विभागाच्या प्रतिबंधक विभागाच्या पथकाने पकडले आहे, अशी माहिती पुणे लाच लुचपत विभागाचे सहाय्यक पोलीस उपअधीक्षक दयानंद गावडे यांनी दिली. नितेशकुमार धोंडीबाराव धर्मापुरीकर (पद महसुल सहायक, शिरूर तहसील कार्यालय) यांना पकडण्यात आले आहे. विशेष म्हणजे हा अधिकारी यापुर्वी इंदापुर येथे असताना तेथेही लाचलुचपत विभागाने त्याच्यावर कारवाई केली होती. त्यानंतर दुसऱ्यांदा शिरूर येथे या अधिकाऱ्यावर कारवाई करण्यात आली आहे.

 

याबाबत मिळालेली माहिती पुढील प्रमाणे, एक २८ वर्षे पुरुष तक्रारदार यांचे गट नंबर १९ च्या सात-बारा उता-यावरील इतर हक्कातील नावे कमी करण्यासाठी तक्रारदार यांनी तहसिलदार कार्यालयास अर्ज केला होता. सदरचा अर्ज लोकसेवक नितेशकुमार धर्मापुरीकर यांचेकडे प्रलंबित असून, तक्रारदार यांचे सात-बारा उता-यावरील इतर हक्कातील नावे कमी करण्यासाठी लोकसेवक नितेश धर्मापुरीकर यांनी तक्रारदार यांचेकडे ५ हजार रुपये लाच मागणी केलेबाबतची तक्रार लाच लुचपत प्रतिबंधक विभागाच्या प्रतिबंधक विभागाकडे दिली होती.

सदर तक्रारदार यांच्या तक्रारीची पंचासमक्ष पडताळणी केली असता, लोकसेवक नितेशकुमार धर्मापुरीकर यांनी तक्रारदार यांचेकडे वरील कामासाठी ५ हजार रुपयाची लाच मागणी करुन, ती लाच रक्कम रुपये ५ हजार (पाच हजार) तक्रारदाराकडून पंचासमक्ष स्विकारले असता त्यांना ताब्यात घेण्यात आले असून, त्यांचेविरुद्ध शिरुर पोलीस स्टेशन, पुणे ग्रामीण येथे भ्रष्टाचार प्रतिबंध अधिनियम, सन १९८८ चे कलम ७ अन्वये गुन्हा नोंद करण्यात आला आहे. पुढील तपास लाच लुचपत प्रतिबंधक विभागाच्या प्रतिबंधक विभागाचे पोलीस निरीक्षक प्रेम वाघमोरे तपास करत आहेत.

सदरची कारवाई पुणे लाच लुचपत प्रतिबंधक विभागाचे पोलीस उप आयुक्त/पोलीस अधीक्षक शिरीष सरदेशपांडे, अपर पोलीस अधीक्षक डॉ. शीतल जानवे यांचे मार्गदर्शनाखाली पुणे लाचलुचपत प्रतिबंधक विभागाने केली. लोकसेवक शासकीय अधिकारी कर्मचारी किंवा त्यांच्यावतीने खाजगी इसम (एजंट) हे कोणतेही शासकीय काम करून देण्यासाठी कायदेशीर फी व्यतिरिक्त अन्य लाचेची मागणी करीत असल्यास त्याबाबत तात्काळ लाचलुचपत प्रतिबंधक विभाग पुणे कार्यालयास खालील नमूद क्रमांकवर सपंर्क साधण्याचे आवाहन पोलिस अधीक्षक शिरीष सरदेशपांडे यांनी केले आहे.
१) अॅन्टी करप्शन ब्युरो, पुणे दुरध्वनी क्रमांक ०२० २६१२२१३४, २६१३२८०२, २६०५०४२३
२) व्हॉट्स अॅप क्रमांक मुंबई ९९३०९९७७०० ३) ई-मेलआयडी पुणे dyspacbpune@mahapolice.gov.in
४) वेबसाईट www.acbmaharashtra.gov.in
५) ऑनलाईन अॅप तक्रार www.acbmaharashtra.net.in

शिरूरमध्ये लाच मागणाऱ्या पोलिस उपनिरीक्षकासह खासगी व्यक्तीवर गुन्हा दाखल…

शिरुर; शरद सहकारी बँकेच्या वसुली अधिकाऱ्यावर लाचलुचपत विभागाची कारवाई…

शिरुर पोलीस स्टेशनचा लाचखोर सहाय्यक फौजदार लाचलुचपत विभागाच्या जाळ्यात

आमदार अशोक पवार यांच्या मुलाचे अपहरण; विवस्त्र करून मारहाण; पाहा संबंधित Video…

लोकशाही च्या चौथ्या स्तंभाबाबत आदर राखायलाच हवा…