शिरुर (अरुणकुमार मोटे) शिरुर शहरात असणाऱ्या जगन्नाथ कूलथे सराफ पेढीवर दोन दिवसांपूर्वी दोघा तरुणांनी सशस्त्र दरोडा टाकण्याच्या प्रयत्न केला होता. त्यावेळी या पेढीचे मालक अशोक कुलथे हे स्वतः दुकानात होते. त्यांच्या सोबत कामगार भिकाजी पंडित (वय ५०) हे कामगार देखील होते. रात्री दुकान आवरण्याची लगबग सुरु असताना अचानक दोघे तरुण दुकानात शिरले आणि बंदुकीचा धाक दाखवत दरोड्याच्या तयारीत असतानाच, भिकाजी पंडित यांनी स्वतःच्या जीवाची पर्वा न करता जोरदार प्रतिकार करत या दोघांना दुकानाबाहेर लोटण्याचा प्रयत्न केला. त्यामुळे यातील एकाने बंदुकीतून फायरिंग केली. त्यामुळे परिसरातील लोक भयभीत होऊन सैरावैरा पळू लागले होते.
ही घटना घडताच काही क्षणांत शिरुर पोलीस स्टेशनचे सहायक पोलिस निरीक्षक संदीप यादव, पोलिस उपनिरीक्षक एकनाथ पाटील, अभिजित पवार, पोलिस हवालदार प्रफुल्ल भगत, तसेच पुणे स्थानिक गुन्हे अन्वेषण विभागाचे पोलिस उपनिरीक्षक गणेश जगदाळे, हवालदार जनार्दन शेळके यांनी घटनास्थळी भेट दिली.त्यावेळी व्यापारी बांधव व अशोक कुलथे यांचा मित्रपरिवारही मोठ्या संख्येने जमा झालेला होता. अशोक कुलथे यांनी शिरुर पोलीस स्टेशनला रीतसर या घटनेची फिर्याद दिलेली होती. पोलिसांनीही सर्व लोकांना आरोपी लवकरात लवकर पकडून देऊ असे आश्वासन दिलेले होते.
त्यानंतर सदर आरोपी हे पुण्याजवळील सिंहगड परिसरातील जंगलात लपले असल्याचे लोकेशन पोलिसांना मिळाल्याने, पोलिसांनी अथक परिश्रमाने दोघांना ताब्यात घेतले असून, त्यापैकी एकजण शिरुर मधील काचे आळीतील असून त्याचे नाव शरद बन्सी मल्लाव (वय २४) तर त्याचा दुसरा साथीदार पुणे येथील वडगाव धायरी मधील असून, त्याचे नाव सागर उर्फ बबलू दत्तात्रय सोनलकर (वय २३) हे दोघेही रेकॉर्ड वरील गुन्हेगार असून, मल्लाव हा पुणे जिल्हा तसेच नगर जिल्ह्यातील पारनेर व श्रीगोंदा तालुक्यातून हद्दपार आहे.
आरोपी मल्लावकडून पोलिसांनी तीन गावठी पिस्तुल, दोन जिवंत काडतुसे व गुन्ह्यात वापरलेली मोटार सायकल असा एकूण सव्वालाख रुपयांचा मुद्देमाल हस्तगत केलेला आहे. शरद मल्लाव ला पोलिसांनी ताब्यात घेतले असून, त्याचा साथीदार सागर (बबलू) सोनलकर जखमी असल्याने पुणे येथील रुग्णालयात उपचार घेत असून, त्यालाही पोलीस ताब्यात घेणार आहेत.
सदरची कामगिरी पुणे ग्रामीणचे पोलीस अधीक्षक अंकित गोयल, पुण्याचे अपर पोलीस अधीक्षक मितेश घट्टे, शिरुरचे उपविभागीय पोलीस अधिकारी यशवंत गवारी साो यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, पोलिस उपनिरीक्षक गणेश जगदाळे, प्रदीप चौधरी, अमित सिदपाटील, पोलीस अंमलदार तुषार पंदारे, जनार्दन शेळके, राजू मोमीण, सचिन घाडगे, अतुल डेरे, मंगेश थिगळे, योगेश नागरगोजे, दिपक साबळे, अजित भुजबळ, अक्षय नवले, संदीप वारे, अक्षय सुपे तसेच शिरुर पोलिस उपनिरीक्षक एकनाथ पाटील, पोलीस अंमलदार नाथा जगताप, रघुनाथ हाळनोर, नितेश थोरात, सचिन भोई यांनी केली आहे. आरोपीला सध्या पोलीस कोठडीमध्ये असून पुढील तपास पोलिस निरीक्षक ज्योतीराम गुंजवटे आणि पोलिस उपनिरीक्षक एकनाथ पाटील हे करत आहेत.
‘लोकतंत्र बचाव’च्या नावाखाली काँग्रेसकडून लोकशाहीबाबत संभ्रम; व्होट चोरीच्या आरोपांवर पुरावे देण्याचे शिंदेंचे आव्हान ठाणे :…
नांदेडच्या विकासकामांसाठी निधी कमी पडू देणार नाही; १०० बेडचे रुग्णालय २०० बेडचे करण्याचे निर्देश, शेतकऱ्यांना…
रिक्षाचालक ते उपमुख्यमंत्री; संघर्ष, संघटनकौशल्य, लोकसंपर्क आणि विकासाभिमुख वाटचालीचा प्रेरणादायी प्रवास मुंबई: नेतृत्व हे केवळ…
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…