कर्तव्य फाउंडेशनच्या वतीने शिक्रापूर बस स्थानकावर महिलांच्या सुरक्षिततेसाठी बसवले सीसीटीव्ही कॅमेरे
शिरूर (अरुणकुमार मोटे): पोलीस कर्मचारी समाजाचा महत्त्वपूर्ण घटक म्हणून आम्ही कर्तव्य बजावत असतो परंतु खरं कर्तव्य हे आज “कर्तव्य फाउंडेशन” ने बजावले असून जागतिक महिला दिनाच्या निमित्ताने महिलांच्या, युवतींच्या व प्रवाशांच्या सुरक्षिततेसाठी महत्वाचे व आदर्श कार्य कर्तव्य फाउंडेशनच्या माध्यमातून झाले असल्याचे प्रतिपादन कर्तव्य फाउंडेशनच्या वतीने शिक्रापूर एस टी स्टँड येथे सी सी टी व्ही कॅमेरे लोकार्पण सोहळ्यात पोलीस निरीक्षक दिपरतन गायकवाड यांनी केले. या लोकार्पण कार्यक्रमास शिक्रापूर नगरीचे आदर्श सरपंच रमेश गडदे, ग्रामविकास अधिकारी शिवाजी शिंदे, उपसरपंच पूजा भुजबळ, सारिका सासवडे, मोहिनी मांढरे, उषा राऊत, वंदना भुजबळ, शालन राऊत तसेच इतर मान्यवर उपस्थित होते.
स्वारगेट येथील अत्याचाराच्या घटनेने महिलांच्या सुरक्षिततेचा प्रश्न ऐरणीवर आला असून यावर फक्त चर्चा करण्यापेक्षा प्रत्यक्ष कृती करण्याचे ठरवत महिला दिनाच्या निमित्त आदर्श सरपंच रमेश गडदे व कर्तव्य फाउंडेशनच्या वतीने शिक्रापूर बस स्थानकावर महिलांची, ज्येष्ठ नागरिकांची, सर्वसामान्य प्रवासी आणि विद्यार्थिनी यांची सुरक्षितता राहण्यासाठी सीसीटीव्ही कॅमेरे बसवण्यात आले. सरपंच रमेश गडदे यांनी कर्तव्य फाउंडेशनच्या कामाची माहिती विशद केली आणि गौरी हिंगणे व पूजा भुजबळ यांनी मनोगत व्यक्त केले.
यावेळी ग्रामपंचायत सदस्य सुभाष खैरे, कृष्णा सासवडे, शिरूर आगारप्रमुख मनीषा गायकवाड, लाठी काठी प्रशिक्षक तांबे सर, टोके सर, ॲड राजेश धुमाळ, भूमता ब्रिगेडच्या अध्यक्ष मंगल सासवडे, वनाधिकारी गौरी हिंगणे, विखारे ताई, शिक्रापूर समस्या व उपाय ग्रुपचे सर्व पदाधिकारी व इतर मान्यवर मोठ्या संख्येने उपस्थित होते. कार्यक्रमाचे सूत्रसंचालन पत्रकार निलेश जगताप यांनी केले तर कर्तव्य फाउंडेशनच्या अध्यक्षा मनीषा गडदे यांनी आभार मानले.
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…