जांबुत येथे बिबट्याच्या हल्ल्यात महिला ठार, जांबुत येथील चौथी घटना, वनविभागाचा गलथान कारभार समोर

शिरुर (अरुणकुमार मोटे) जांबूत (ता.शिरुर) येथील ५५ वर्षीय महिला बिबट्याच्या हल्ल्यात ठार झाल्याची घटना आज (दि.२६) घडली असुन जांबुतच्या बागवस्ती परिसरात हादुर्दैवी प्रकार घडला आहे. मुक्ताबाई भाऊ खाडे असे या हल्ल्यात ठार झालेल्या महिलेचे नाव आहे. यामुळे वनविभागाचा गलथान कारभार समोर आला असुन शिरुर वनविभागाविरुद्ध नागरिकांचा प्रंचड रोष वाढलेला आहे .वनपरिक्षेत्र अधिकारी हे मनमानी कारभार करत असून ठोस उपाययोजना राबवताना दिसुन येत नाही अशी नागरिकांनामध्ये चर्चा आहे.

सदर महिला हि रविवारी (दि.२५) रोजी सायंकाळ पासुन बेपत्ता होती. आसपासच्या परिसरात शोधाशोध करुनही मुक्ताबाई खाडे यांचा शोध लागला नाही. सदर भागात बिबट्याचे मोठे वास्तव्य असून संशय निर्माण झाल्याने कुटुंबीयांनी वनविभागाच्या कर्मचारी व अधिकारी यांना या घटनेची माहिती दिली. यावेळी वनविभागाकडून परिसरातील शेतांमध्ये शोधाशोध केली असता सायंकाळी चार वाजेच्या सुमारास आजूबाजूच्या उसाच्या शेतात शोध घेतला असता या महिलेचा मृतदेह आढळून आला.

या घटनेमुळे जांबुत आणि परिसरात घबराटीचे वातावरण निर्माण झाले असुन तातडीने पिंजरे लावून बिबट्यांना जेरबंद करण्याची मागणी संतप्त ग्रामस्थांनी केली आहे. शिरुरच्या वनविभागाच्या कार्यालयात ‘वनपरिक्षेत्र आधिकारी दाखवा आणि बक्षीस मिळवा’ अशी म्हणण्याची वेळ तालुक्यातील जनतेवर आलेली आहे.

शिरुर तालुक्यातील कान्हूर मेसाई गावात बिबट्याच्या हल्ल्यात शेतकरी जखमी